Lysekloster il | 12. aug. 2023

Hadde slått seg til ro med poengdeling - men Dang hadde andre planar

Klinte ballen i vinkel to minutt før slutt.

Hadde slått seg til ro med poengdeling - men Dang hadde andre planar
Alexander Dang har no skåra to mål per kamp i alle dei siste fem og er oppe i 19 mål på 15 kampar. (Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøylørdag 12. aug. 2023 16:02

I dag starta haustsesongen i Norsk Tipping-ligaen.

Serieleiar Lysekloster spelte borte mot Sandviken på 4. plass, einaste lag som har tatt poeng frå Lysekloster i år (0-1-tap etter sjølvmål).

Lysekloster leia 0-2 etter skåringar av Alexander Dang og Jørgen Lunde, men vertane reduserte i 45. og utlikna i 52. minutt.

– Det var ein slurvete kamp av oss, med mange personlege feil og passiv innstilling mens vi var utan ball, seier trenar Ruben Hetlevik.

Sjølv tenkte han at 2-2 var greit på ein dag som denne, men toppskårar Dang hadde andre planar.

– Vi rulla opp eit angrep, Alexander fekk ballen feilvendt, men vendte av ein spelar og fekk god tid til å stilla inn siktet.

Frå 22 meter klinte han ballen i krysset og Lysekloster vann 2-3.

Skåringa kom i 88. minutt.

– Eit fantastisk fint mål, og endå betre at det blei avgjerande! Det er kjekt å sjå at vi kan vinna også på det som kanskje var årsverste av oss, og mot god motstand, seier Hetlevik.

Dermed har Lysekloster framleis ei luke på 9 poeng ned til Os, som vann i dag, på 2. plass.

Dang er no toppskårar i avdelinga med 19 mål, eitt meir enn Ulrik Ferrer på Frigg, som har to kampar mindre spelt.

Han har også skåra to mål per kamp i alle dei siste fem kampane.

Lysekloster sin neste kamp går heime mot Lokomotiv Oslo om ei veke.

Tabell og terminliste på fotball.no

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.