Hærverk på gymsal

Laurdag i 22-tida fekk politiet melding om skadeverk på gymnastikksalen til Os barneskule.

– To personar er mistenkt. Dei gjekk frå staden før patruljen kom fram, fortel vakthavande ved Os lensmannskontor.

Dei to blir skildra som ungdomar, og var først på taket på gymsalen.

– Dei har gjort skade på ei rist til ventilasjonsanlegget, men det er ikkje så store skadar at du kan ta deg inn i bygget.

Politiet veit ikkje kven dei to personane er, men er interessert i tips.

Sommardekk på vinterføre og julepynt i frontruta

Politiet kontrollerte to bilar i natt.

Klokka 01.45 stoppa dei ein bil med lysande julepynt i frontruta. Vedkomande fekk beskjed om å fjerna dette, og skapp unna med ei åtvaring.

Klokka 04 i natt kontrollerte dei ein bil som viste seg å ha sommardekk, trass snø og is på vegen. Bilførar blei meldt.

Laurdag formiddag hadde politiet kontroll på Lyseklostervegen ved Ulven leir. 55 bilistar blei kontrollerte, alle var edru.