Næringsliv | 11. juni 2010

Halhjem er versting

BiR henta dobbelt så mykje restavfall som vanleg i Os i går. Streik eller ikkje, Halhjem er eit problemområde.

Halhjem er versting
Kjetil Vasby Bruarøy
Kjetil Vasby Bruarøyfredag 11. juni 2010 11:13

BiR tar unna det dei klarer etter streiken, medan folk ulovleg lesser på mat til kråkene.

- Overflateavfall er ikkje vårt ansvar, men sidan det no er ein ekstremsituasjon etter streiken så tar vi unna alt, seier informasjonskonsulent Tina Skudal.

Boss er kommunane, eller visst det ligg langs riks- eller europaveg, vegvesenet sitt ansvar.

- Det hender at vi gjer ein innsats for å identifisera ulovleg avfall, og då fakturerer vi syndarane for oppryddingsarbeidet.

Gjev blaffen på Halhjem
Fredag i førre veke skreiv vi om hyttekonteinarane i Kjeldevegen ved rundkjøringa nær Halhjem ferjekai. Den same dagen rydda BiR plassen, sjølvom det var streik på mottaket.

I går såg det 10 gongar verre ut.

- I dag har vi vore og henta bosset igjen, også det som låg rundt konteinarane, fortel Skudal.

- Det er eigentleg berre tømming her tre dagar i veka, men sjåførane våre fortel at dei tømmer oftare, og kunne tømt to gongar for dagen. Halhjem er eit problemområde, kanskje på grunn av at stasjonen ligg nær ferjekaien, men samstundes slik at syndarane kan kasta litt i skjul.

BiR har førebels ikkje diskutert internt om dei skal fjerna dette returpunktet.

86 sekkar i Blindasundet
I går var første dag med tømming etter streiken, som varte i nesten to veker.

- I Os henta vi cirka 30 tonn restavfall, mot 15, som er normalt.

Og det er fleire plassar enn Halhjem bosset har hopa seg opp.

- I Blindasundet nær Lepsøy er det tre konteinarar, kvar på 660 liter. Desse var sjølvsagt fulle, i tillegg sto det 86 sekkar med restavfall rundt og på konteinarane.

- Men heldigvis er det veldig mange som har vore flinke i denne tida med streik. Vi høyrer og les mykje om problemområda, men i store delar av Bergen og nabokommunane har folk tatt veldig godt hand om restavfallet sitt under streiken, seier Tina Skudal.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.