Hamna i grøfta i Mobergsbakken

Tysdag morgon vakna vi til eit nytt lass med snø, meir enn det som kom for fem dagar sidan.

I 08.30-tida fekk Midtsiden tips om ein bil i grøfta i Mobergsbakken.

– Bilen sto i grøfta i den første svingen opp bakken. Ingen såg skadd ut, men det kan nok bli litt kø på staden, fortel tipsar.

Vegtrafikksentralen varsla om snømengdene klokka 05.47 i dag tidleg.

«Det snør for øyeblikket tett enkelte plasser i Vestland. Brøytemannskaper er ute, men det kan være glatt på veiene. Avpass farten etter forholdene og kjør forsiktig. Husk å fjerne snø fra bilen før du kjører.»

Det har vore forseinkingar i busstrafikken og Flesland er framleis stengt.

Det har vore få ulykker, men klokka 07.13 fortalte Vegtrafikksentralen om stengt Fv49 i Samnanger ved Fossenbrattetunnelen nær Kvamskogen.

Politiet fortalte at det var ein frontkollisjon med éin person i kvar bil.

– Begge er bevisste og ute av bilen.

Vegen opna igjen klokka 08.16.

Det er meldt meir snø fram til klokka 15 i dag. Det kan også koma ei snøbyge onsdag morgon.

Onsdag ettermiddag og torsdag er det meldt sol og 2 til 5 minusgradar, fredag og laurdag kan det bli noko varmare med fare for snø eller sludd.

Frå søndag ettermiddag og utover i neste veke er det venta 5 til 7 plussgradar og regn.

• Sjå detaljert vêrmelding for Osøyro på VG Pent.