Hamna på rek ved Raudholmane
Brannvesenet sendt på oppdrag for Hovedredningssentralen.
Onsdag i 14.20-tida fekk politiet melding om båt med motorstopp ved Raudholmane.
– Det var éin person i båten, ei kvinne i 20-åra, opplyser politioverbetjent Anne Lyssand.
Brannvesenet fekk oppdrag frå Hovedredningssentralen (HRS) å hjelpa kvinna. Båten er ein skjergardsjeep med vindskjerm.
– Det er uvisst kvifor båten mista framdrift og kor lenge ho låg på rek, men vi fekk også meldingar frå folk på land som hadde lagt merke til at det såg ut som om nokon trengte hjelp, fortel brannsjef Espen Storum.
Brannvesenet brukte ikkje Unik-båten, som ligg stasjonert på Halhjem, men tok gummibåt på hengar med til Os hamn for å rykka ut.
– Vi kom oss raskt til Raudholmane og fekk taua båten til land i Os hamn.
