Sport | 24. juli 2014

Har du kontroll på motorsykkelen din?

– Mange førarar, også dei som er godt vaksne, får ei aha-oppleving når dei får øva på bane, seier Frank Tøsdal, som no skal på ny tur.

Har du kontroll på motorsykkelen din?
Klarer du dette om det hoppar ein hjort inn i vegen framfor deg? (Foto: Picman for Baneviken.com)
Kjetil Vasby Bruarøy
Kjetil Vasby Bruarøytorsdag 24. juli 2014 19:36

Bildeserie:

12. - 15. august hadde Frank Tøsdal 60 mc-førarar med seg på tur til Mo i Rana. (Foto: Picman for Baneviken.com)
12. - 15. august hadde Frank Tøsdal 60 mc-førarar med seg på tur til Mo i Rana. (Foto: Picman for Baneviken.com)
Det er 10 år sidan Tøsdal og Baneviken.com arrangerte sin første tur. (Foto: Picman for Baneviken.com)
Det er 10 år sidan Tøsdal og Baneviken.com arrangerte sin første tur. (Foto: Picman for Baneviken.com)
Klar for start. (Foto: Baneviken.com)
Klar for start. (Foto: Baneviken.com)
– Det er eit spesielt og godt miljø blant førarane på desse turane, fortel Frank. (Foto: Baneviken.com)
– Det er eit spesielt og godt miljø blant førarane på desse turane, fortel Frank. (Foto: Baneviken.com)
1 av 4
12. - 15. august hadde Frank Tøsdal 60 mc-førarar med seg på tur til Mo i Rana. (Foto: Picman for Baneviken.com)
Det er 10 år sidan Tøsdal og Baneviken.com arrangerte sin første tur. (Foto: Picman for Baneviken.com)
Klar for start. (Foto: Baneviken.com)
– Det er eit spesielt og godt miljø blant førarane på desse turane, fortel Frank. (Foto: Baneviken.com)

– Den vanlegaste årsaka til ulykker er at folk stivnar når det skjer noko uventa, og så går det rett til skogs. Med øving på bane blir du ein heilt annan kjørar, seier Frank Tøsdal.

Han har kjørt motorsykkel heilt sidan han for 18 år sidan fylte tjue. I år er det 10 år sidan han byrja å organisera gruppeturar for å kjøra på bane.

– På bane får du heilt andre utfordringar enn kva du får på trafikkert veg. Du får testa sykkelen i fart, i kontrollerte omgjevnadar, og kjører til slutt frå baneanlegget som ein langt betre og tryggare MC-førar.

For to veker sidan arrangerte han med idrettsklubben Baneviken.com nok ein tur til Arctic Circle Raceway i Mo i Rana. Rundt 60 mc-kjørarar deltok, cirka 5 frå Os, 10 frå Bergen og resten frå Sverige og andre stadar i Noreg.

Den første veka i august stiller han som instruktør på nok ein gruppetur, denne er arrangert av Ride Bergen og går til Rudskogen 3. august for to dagar på bane på Austlandet.

Vaksen og rusten?

Ein biverknad av banekjøringa er, ifølgje Tøsdal, at du får kjørt frå deg. Det blir mindre interessant å kjøra fort på vanleg veg.

– Dette er ikkje ein myte, då? Det er ikkje fare for at du vil testa på vegen kor flink du har blitt til å kjøra fort?

– Nei. Eg veit at eg snakkar for både meg og minst 20 kameratar når eg seier at det er ikkje interessant å kjøra fort på trafikkert veg når du har kjørt på bane. MC-kjøring på veg blir kos og transport, det blir aldri som på bane.

Det er heller ikkje dei yngste førarane som stiller på, og har utbyte av, å få instruksjon på bane.

– Målgruppa er like mykje dei på 40-50 år og eldre, som har kjørt nokre sesongar tidlegare, og som no skal kjøra sykkel igjen. Eller dei som berre har putra rundt i mange år. Alle kan ha livreddande nytte av å læra å bremsa ned frå høg fart, å læra å bremsa i sving og å læra å ta ein skikkeleg unnamanøver i høg fart.

– Ei aha-oppleving

Tøsdal fortel om mange svært positive tilbakemeldingar frå folk som har hatt sin første tur på bane.

– Det er stadig folk som seier dei har fått ei aha-oppleving, at dei har lært mykje og at dei vil øva meir.

På turen som går til Rudskogen blir det frå heilt basic, for dei som nyleg har fått førarkort, til dei som har kjørt ei stund.

– Vi kjører ulike øvingar, frå sporval og plassering på setet til bruk av blikk og forskjellige bremseteknikkar.

– I tillegg til god stemning på banen fortel Frank og fine sosiale stunder på turane, og om eit spesielt godt miljø.

– Det er utruleg å sjå korleis folk stiller opp for kvarandre, hjelper med mekking og reservedelar om noko sviktar på sykkelen og låner vekk sine eigne mc-ar om nokon har havari.

– Vi har hatt 10 fine år på tur i lag og vi har plass til fleire dei neste 10 åra.

Spennande? Vil du ha ukas høgdepunkt i innboksen?

Les meir om

Hald deg oppdatert med Midtsiden

Få tilgang til alt innhald frå Midtsiden-redaksjonen. Som abonnent hjelper du oss på veg til å kunna dekka endå meir av det som skjer i Os!

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.