Kultur | 07. okt. 2017

Har du sett kvalen i Hagavik?

Tysk finesse av stubben etter 48 meter høg trestamme hos familien Schulz.

Tyske Enrico Schula har vore på sitt første oppdrag i Noreg. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøylørdag 07. okt. 2017 10:24

Bildeserie:

«Kvalen» står nær vegen. Mange stoppar for å ta bilde. (Foto: KVB)
Schulz let delar av stamma stå igjen då han felte den 48 meter høge grana. (Privat foto)
Enrico Schula brukte ingenting anna enn motorsag. (Privat foto)
Resultatet får forbipasserande til å stoppa. (Foto: KVB)
Andreas og Franziska bak t.v. med gjestane frå Tyskland. (Foto: KVB)
– Eg likte treet, det blei fint å lata litt stå igjen, synest Andreas. (Foto: KVB)
«Kvalen» står nær vegen. Mange stoppar for å ta bilde. (Foto: KVB)
Schulz let delar av stamma stå igjen då han felte den 48 meter høge grana. (Privat foto)
1 av 6
Schulz let delar av stamma stå igjen då han felte den 48 meter høge grana. (Privat foto)
Enrico Schula brukte ingenting anna enn motorsag. (Privat foto)
Resultatet får forbipasserande til å stoppa. (Foto: KVB)
Andreas og Franziska bak t.v. med gjestane frå Tyskland. (Foto: KVB)
– Eg likte treet, det blei fint å lata litt stå igjen, synest Andreas. (Foto: KVB)
«Kvalen» står nær vegen. Mange stoppar for å ta bilde. (Foto: KVB)

Denne veka har ein stor treskulptur av ein kval blitt skoren ut av ei stamme langs Strønevegen, mellom Hagavik og Irgenskrysset.

Resultatet har nesten blitt ein turistattraksjon.

• Les òg: Fann 13.000 år gamal kval på Storum

– Eg er imponert over skulpturen og overraska over kor mange bilar som stoppar for å ta bilde, seier Andreas Schulz.

Via venar i Tyskland kom han i kontakt med tømmerhoggar Enrico Schula, som denne veka har jobba flittig med motorsaga.

Ei trestamme på 10 tonn

Andreas og kona Franziska flytta frå Tyskland til Os i 2011. Dei bur langs Strønevegen og hadde ei faretrugande stor gran på eigedomen sin.

– Vi var redde for at den skulle velta og gjere skade på folk eller nabohuset, så vi felte grana før jul i fjor.

Treet var 48 meter høgt, med diameter på 106 cm. Stamma vog 10 tonn.

– Andreas er glad i møblar av heiltre, og let ein del av stamma stå igjen, forklarer Franziska.

Stor skulptur - eitt verktøy

For ei veke sidan kom Enrico med familie til Os. Han tok med seg både kona og foreldra sine til det som er hans første tur til Noreg.

– Vi sjekka med venar heime i Tyskland for å få tak i nokon som kunne gjera noko med denne trestamma. Dei hadde høyrd om Enrico, som jobbar med skogdrift, men som òg har deltatt i fleire konkurransar der han har laga skulpturar med motorsaga si.

Hobbykunstnaren frå Neckargemünd, som ligg mellom Frankfurt og Stuttgart, var overraska over storleiken på stamma, men bygde stillas og gjekk laus på det som er hans største verk til no.

• Les òg: – Fjorden er full av kval (video, september 2017)

– Han har ikkje brukt noko anna verktøy ennmotorsaga, det er utruleg kva detaljar og symmetri han har fått til.

– Det var Enrico sitt forslag å laga kval, og det passa i grunnen bra, vi bur jo nær sjøen, seier Andreas.

I dag er tyskarane på fisketur.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.