Næringsliv | 09. jan. 2020

Har fått sluttdato

Metro Os snudde omsetnaden i fjor, men om få veker er det over.

Har fått sluttdato
Olaug Gjerde i haust, då butikken likevel skulle drivast vidare nokre månadar til. (Foto: Ørjan Håland)
Ørjan Håland
Ørjan Hålandtorsdag 09. jan. 2020 20:57

Etter 15 år fekk dagleg leiar Olaug Gjerde i fjor vår beskjed om at butikken skulle leggast ned i løpet av sommaren.

Men opphøyrssalet skapte omsetnadsrekord, og på seinsommaren bestemte eigarane av butikken seg for å halda butikken open på ubestemt tid.

– Før eg fekk beskjed om at butikken skulle leggast ned, såg eg for meg å driva ut januar 2020. Då går leigekontrakten til butikken ut, sa Olaug til Midtsiden i fjor.

Sjølv går ho av med pensjon i oktober i år. Men det hadde ikkje trengt ikkje å bety stopp for den over 500 kvadratmeter store butikken. Om omsetnaden heldt seg oppe, kunne den bli drive vidare, eventuelt med ny dagleg leiar.

Stenger i midten av februar

– Vi hadde ein god haust, og i november og desember fekk vi både kvitta oss med mykje julevarer og selt oss tom for fyrverkeri.

– Men omsetnaden har dabba noko av, så eigarane har bestemt seg for å forlenga leigetida med berre éin månad.

Siste opningsdag blir laurdag 15. februar.

– For min del er det greit, omtrent som eg i utgangspunktet hadde sett for meg. Då har vi dei siste to vekene i februar å rydda ut av lokalet, og før den tid skal vi ha oppøyrssal. Denne gong skal vi for alvor tømma butikken.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.