- Har følgt draumane sine
Julia Agate Erstad Bergesen har i ti år vore ein av dansarane under Patricia Langeland sine venger. I haust tok ho det store steget og reiste til Laban School of Contemporary Dance i London for å ta ein baclorgrad i dans.
- Julia har følgt draumane sine og turt å kasta seg ut i det, seier Arne Mæland om tildelinga.
- Eg håper stipendet på 10.000 kroner kan vera ei lita handsrekning og inspirasjon til ein utøvar som visar at ho tørr. Det å kunne få hjelpa ein spannande ung kunster synest eg er kjempekjekt, utdypar Mæland.
Bok blei fond
I samband med at Mæland gav ut den siste boka si oppretta han eit fond for unge kunstnarar frå overskuddet.
- No har pengane vakse såpass at det var mogleg å ta litt ut att, seier Mæland.
Kjem godt med
For å gå på skulen må Julia Agate betala skulepengar. Ho får noko støtte frå lånekassa, men ikkje nok til å dekke alle kostnadane.
- Eg lyt betala ein god del frå eige lomme, så tildelinga var utruleg gledeleg og betydde veldig mykje for meg, fortel Julia Agate til midtsiden.no
- Det er kjekt å få litt å spe på med til mat og anna, smilar ho.
Stortrivst
Heime på juleferie er det ei nøgd jente som tek seg tid til ein prat med midtsiden.no.
- Eg stortrivs. Skulen er internasjonal med elevar frå heile verda.
- Det gjer at det blir litt annerleis enn å sitta i lille Noreg. Det er utruleg inspirerande å gå der borte.
Nett ferdig med seks eksamenar tykkjer Julia Agate det er deilig å kunne vera heime og berre kose seg og danse på gøy med Patricia Langeland.
Stå på eigne bein
Ho fortel at skulen er veldig oppteken av å utdanna danserane på ein måte som gjer at det blir i stand til å stå på eigne bein som kunstnarar.
- Undervisninga er breitt lagt opp med mellomanna koreografi, dansehistorie og sceneografi for at vi skal læra å greie oss sjøl som kunstnarar, avsluttar den unge dansaren.