Hausten i 3. divisjon: Terminlista er klar

OPPDATERT: NFF la ut terminliste før det var opna for både trening med kontakt og kamp. Seriestart blir ikkje 8. august, fotballen skal få nye svar i møte 10. august om eventuell seriestart i september.

Årets serie i Norsk Tipping-ligaen blir gjennomført med halv serie etter at koronapandemien sette ein stoppar for vårsesongen.

Opp- og nedrykk går som normalt, ikkje med sluttspel etter serien, som var diskutert.

I går blei terminlistene i OBOS og Nors Tipping-ligaen trekte. Planen er med atterhald om godkjenning frå styresmaktene.

Os startar heime, Lysekloster borte

Os startar heime mot Ready laurdag 8. august.

Neste kamp går veka etter borte mot Fana.

Lysekloster startar borte mot Sogndal 2 laurdag 8. august.

Laurdaen etter tar dei imot Lyn 1896.

Lokaloppgjeret går på Kuventræ, Os tar imot Lysekloster til derby laurdag 5. september.

Lange reiser?

Nye motstandarar for klubbane frå Os, i forhold til 2019-sesongen, er i år Bjarg, Sandviken, Årdal, Frigg, Lyn 1896 og Ready.

Samla blir det tre langreiste bortekampar i tidlegare Sogn og Fjordane (Vestland) og tre på Austlandet.

Lysekloster har bortekamp mot Sogndal 2, Årdal, Frigg og Fjøra, altså 4 av 6.

Os får berre to langturar, mot Lyn i slutten av september og mot Sogndal 2 i serieavsluttinga.

Serien blir avslutta laurdag 31. oktober.

• Sjå terminliste for Norsk Tipping-ligaen avdeling 4.

Alle laga i avdelinga (rangert etter vinnarodds frå Coolbet):
Lysekloster
Fana
Frigg
Lyn
Fyllingsdalen
Fjøra
Stord
Ready
Sandviken
Os
Brann 2
Sogndal 2
Bjarg
Årdal