Hegglandsdalsvegen er stengt ved Hjella
Vegetasjon i vegen stoppa trafikken like ved Borgafjellet barneskule. (Oppdatert)
Statens vegvesen meldte klokka 17.53 torsdag 12. mars om om stengt veg i begge retningar ved Hjella.
Det er fylkesveg 579 Hegglandsdalsvegen som er stengt, like ved Eventus Borgafjell barnehage.
Utløysande årsak til stengt veg er oppgitt til å vere tre eller buskar i vegen.
Ifølge Yr er det gult farevarsel for kraftige vindkast i området, i tillegg til gult varsel om jord-, sørpe- og flaumskredfare.
I skrivande stund viser meldinga vindkast på 19 meter i sekundet.
Ifølge vegvesenet estimerer dei stenginga til å vare i fire timar, fram til klokka 21.53.
Oppdatering: Vegen var open då Midtsiden var oppom staden klokka 20.
Like før klokka 21 meldte Statens vegvesen at vegen er open igjen.
