Heidra for 24 år i fylkespolitikken

Under avsluttinga for Hordaland fylkesting i ærverdige Håkonshallen torsdag kveld, fekk Gustav Bahus (Frp) utdelt KS-heidersteik for særleg fortenestefull innsats i kommune- og fylkespolitikken.

Han har sete 6 periodar, altså 24 år, i kommunestyre og fylkesting.

I fylkespolitikken var han blant anna leiar i det prestisjefylte samferdsleutvalet i heile tre periodar, samanhengande frå 2003 til 2015.

Held fram i lokalpolitikken

– Det har vore interessant å vera med og forma og bygga, seier Gustav til Midtsiden.

– Eg vil trappa litt ned no, og er 3. vara på fylkestinget og 1. vara i samferdsleutvalet, som no heiter hovudutval for samferdsle og mobilitet.

I komande Bjørnafjorden kommune er han fast medlem av kommunestyret og plan- og bygningsutvalet.

Bahus er i tillegg leiar for Vestland Frp.

Starta som brumotstandar

E39 Moberg-Svegatjørn og seinare Svegatjørn-Rådal har vore blant hovudsakene.

I si tid var Bahus og resten av Os Frp imot bru over Ulvenvatnet.

Dei stilte til val på tunell frå vekta på Halhjemsvegen gjennom Liafjellet til Ulven i det dei kalla «fornuftsalternativet».

Seinare har han jobba med dagens alternativ, og fekk saman med sonen Gustav Alfred første tur gjennom Skogafjellstunnelen.