Lokal | 25. juni 2013

Heidra for lang og trufast teneste

I 42 år har Sylvi Bakke hatt sitt trufaste virke i Os kommune. Torsdag blei ho heidra.

Rådmann i Os, Knut Terje Rekve, overrekte KS-medaljen til Sylvi Bakke.
Kari M. Lyssandtirsdag 25. juni 2013 09:16

Det var god stemning rundt bordet då delar av administrasjonen i Os kommune hadde lunsj på Oseana Kafe & Restaurant torsdag.

Årsaka til den ekstra flotte lunsjen denne dagen var Sylvi Bakke, som i sitt 42. år som tilsett i kommunen, skulle bli heidra med KS-medalje.

Fekk KS medalje

Kommunenes Sentralforbund si medalje kan tildelast den som har gjort "en fortjenstefull samfunnsgavnlig virksomhet av særlig betydning for sin kommune", står det i statuttane. I tillegg må personen ha jobba i kommunen i over 25 år.

At Sylvi har hatt betydning for kommunen og kollegaene fekk vi stadfesta med alle lovorda som var å høyra.

- Du er olja i maskineriet vårt, har eit godt humør og er fantastisk å jobba med, var berre noko av det gode kollegaene hadde å seia om Sylvi, som jobbar i skatteavdelinga i kommunen.

Då ordførar Terje Søviknes var på Fylkestinget denne dagen, var det rådmann Knut Terje Rekve som fekk æra av å gje Sylvi ei hedersmerking for lang og trufast teneste i Os kommune.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.