"Heile" Os utan straum

Rett før klokka 8 tysdag morgon forsvann straumen i store delar av Os.

BKK melder på heimesida si at 5135 abonnenter er råka av straumbrotet.

– Vi har dessverre eit straumbrot på store delar av Os og arbeidar med feilretting, heiter det frå BKK.

I følgje heimesida til BKK trur dei feilen vil vera retta i 11-tida.

Feil i transformatorstasjonen

BKK si pressevakt fortel at det er ein feil i Os transformatorstasjon som er grunnen til straumbrotet.

– Eg veit ikkje så mykje meir nett no anna enn at det er ein feil i Os transformatorstasjon. Vi har folk på vei inn i stasjonen for å feilsøke og rette feilen, fortel pressevakta til Midtsiden klokka 08.20.

Klokka 09.30 pågår feilsøkinga framleis. Status er difor den same som tidlegare på morgonen.

E39 under vatn

Uværet i natt skal så langt Midtsiden kjenner til ikkje ha skapt nokre ekstra problem i Osbygda. Rett nok får dei som skal til Bergen i dag ei lita utfordring då E39 ved Kaland/Bontveit ligg dels under vatn og trafikken går seint forbi.

Har du andre opplysningar eller bileter av oversvømmingar eller trevelt send dei til andris@midtsiden.no eller på tlf 47 90 61 11.