Heile Rosvold-kiosken heia på «Kuven Storm»

Bildeserie:

1 av 4

Kusk Jonn Borgen og fireåringen «Kuven Storm» kjempa i dag om kongepokal.

Det gjekk ganske bra.

Sjå videoreportasje: Siste finpuss før kamp om kongepokal (hesteløypa torsdag 30/3)

– Det er litt ekstra med folk her i dag, seier kioskdrivar Rune Rosvold.

Gjekk rett i tet

I dag tidleg var «Kuven Storm» femte val. Så trekte favoritten seg, hesten frå Kuventræ blei den flest spelte på og Jonn (71) gjorde seg klar med favoritten, i første spor, til start klokka 15.44.

«Kuven Storm» gjekk rett i føringa, heldt tet og rei av stormen då to andre hestar yppa seg midt i andre runde.

– Han vinn denne! byrja dei mest engasjerte å ropa i Rosvold-kiosken.

Trøstepremie: 100.000 kroner

Men så kom G. Jerken med kusk Ole Gaute Gudmestad i høg fart.

G. Jerken passerte «Kuven Storm» rett før mållinja og stakk av med både kongepokalen og 200.000 kroner.

Borgen og Kuven Storm må nøya seg med 2. plass og 100.000 kroner i premie.

Les meir om løpet på rikstoto.no.

Så gjensto det for dei som hadde spelt å sjå om det var nokre kroner å henta på kupongen.

– Eg har ikkje fått opp igjen alle diplomane etter førre oppussing, men vi har nokre fine premiar på hest òg. Med tippelaget vårt så er 250.000 kroner rekord, delt på ti spelarar.

– Men vi har òg to individuelle som har vunne over millionen, fortel Rosvold.