Held fram i 3 år til

Knut Terje Rekve har vore rådmann i Os kommune i seks år. Like lenge som åremålsperioden han blei tilsett i.

Tysdag fekk han forlenga åremålet med tre år fram til han ved utgangen av 2015 går av som pensjonist.

- Det var eit samrøystes kommunestyre som utan noko diskusjon vedtok å forlenga engasjementet med Knut Terje, fortel ordførar Terje Søviknes (Frp) om handsaminga som gjekk for lukka dører sidan det var ein personalsak.

- VI har hatt ein god prosess med både rådmannen sjølv og dei tillitsvalde i kommunen fram mot avgjersla tysdag kveld, skryter ordføraren.

Kommunestyret vedtok at det fornya åremålet gjeld til 31. desember 2015.