Held fram med kino
Bygdekinoen i gong etter nyttår: Nore Neset held fram etter prøveordning i haust.
![Held fram med kino](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2Ffe60c679b8dd3b143d29c590e8a9d6271439bc2e-1140x760.jpg%3Frect%3D0%2C38%2C1140%2C684%26w%3D752%26h%3D451%26q%3D100%26dpr%3D2&w=3840&q=75)
![Kjetil Vasby Bruarøy](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2Fd394ce3033ee74f1b7563efe62438c9efc71d8ce-1140x760.jpg%3Frect%3D569%2C160%2C387%2C387%26w%3D80%26h%3D80%26q%3D100%26dpr%3D2&w=3840&q=75)
Trass i at Os ligg ein liten time med bil frå Bergen Kino er bygdekinoen i Fjellheim blant Noregs best besøkte bygdekinoar.
I tillegg til kino annakvar fredag i Fjellheim hat Bygdekinoen framsyning i ungdomshuset Alvheim i Nordstrøno og i Nore Neset Aktivitetshus éin gong i månaden.
- Vi tok initiativ til ei prøveordning i haust, som eit tilbod spesielt til dei yngste i krinsen, som ikkje kjem seg så ofte på kino i by´n, seier dagleg leiar i Nore Neset Aktivitetshus, Karin Bøyum.
Fekk halda fram
Første vising var veldig vellukka, 126 møtte fram for å sjå Knerten gifter seg i Symrasalen.
- Vi hadde berre to framsyningar i haust. Den andre, då Harry Potter sto på plakaten, lokka berre 30 på bygdekino. Men då hadde den filmen også gått ei stund.
Bøyum har spurt kulturkontoret i Os kommune om å få halda fram med kino og fått lov til å få Bygdekinoen på besøk éin gong i månaden gjennom heile 2011.
Narnia og Cornelis først ut
Bygdekinoen er på banen allereie den første veka i januar. Først ut er Nordstrøno tysdag 4. januar, så Fjellheim 7. januar og til slutt Nore Neset Aktivitetshus måndag 10. januar.
Alle tre viser dei to filmane Legenden om Narnia - Reisen til det ytterste hav og Cornelis.
Reisen til det ytterste hav er Narnia er basert på den tredje boka til C.S Lewis, i ein serie av sju bøker totalt. Bøkene blei gjeve ut første gong i perioden 1950 til 1956 og har lenge blitt sett på som eit av litteraturens mest fantasifulle verk.
Cornelis er ein film om ei av Nordens aller største musikklegender - Cornelis Vreeswijk. Livet til Cornelis var eit hardt kunstnarliv som byrja på nytt like mange gongar som det havarerte.
I hovudrolla som visesongeren Vreeswijk møter vi norske Hans-Erik Dyvik Husby, alias Hank von Helvete, best kjent som songer og frontfigur i bandet Turboneger.
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store