Helikopterøving utanfor Os

Onsdag ligg fregatten KNM Roald Amundsen i Bjørnafjorden utanfor Os for å øva nedtaking av helikoptre.

Øvinga er ei samarbeidsøving med det sivile heilkopterselskapet Airlift AS.

– Alle fartøy som skal driva helikopteroperasjonar må ein gong om året bli mønstra. Då blir heile organisasjonen ombord testa for å sjå om nivået er godt nok for å kunne operera helikoptre på ein kontrollert og sikker måte, fortel sjøforsvaret i ei melding.

Får snart nye helikoptre

Sjøforsvaret er i ein prosess kor dei skal skifta ut dei gamle Lynx-heikoptra med dei nye NH90-helikoptra som kan dekkje større områder og har betre utstyr for å identifisera fartøy og for å bekjempa ubåtar. Øvinga er ei viktig lekk i den prosessen.

– I samband med at det nærmar seg innrulleringa av dei nye NH90-helikoptra er det viktig at rutinene sit hjå bemanninga, heiter det i meldinga.

NH90-helikoptra skal mellomanna nyttast av kystvakta og på forsvaret sine fregattar.