Lokal | 12. apr. 2018

Henta MS Isbjørn til Os for å fiska heime

Fiskebutikken Isfisk får meir kortreiste ferskvarer.

Henta MS Isbjørn til Os for å fiska heime
– Det var ei god kjensle å koma til Os hamn med båten, seier Freyer, her med sild som skal til røykeri på Askøy. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 12. apr. 2018 20:37

Bildeserie:

MS Isbjørn skal no fiska på heimebane. (Foto: Kjetil Vasby Bruarøy)
MS Isbjørn skal no fiska på heimebane. (Foto: Kjetil Vasby Bruarøy)
På veg heim har han tørka torsk. (Foto: KVB)
På veg heim har han tørka torsk. (Foto: KVB)
Her kjem lina om bord og fisken direkte til bløgging og rett på is. (Foto: KVB)
Her kjem lina om bord og fisken direkte til bløgging og rett på is. (Foto: KVB)
– Splitteren er viktig! (Foto: KVB)
– Splitteren er viktig! (Foto: KVB)
Freyr fiskar med 14.000 krokar. (Foto: KVB)
Freyr fiskar med 14.000 krokar. (Foto: KVB)
Bak roret. (Foto: KVB)
Bak roret. (Foto: KVB)
Kartet frå Olex viser forholda tydeleg. (Foto: KVB)
Kartet frå Olex viser forholda tydeleg. (Foto: KVB)
... og historikken, som linene han sette i Vesterålen på førre tur. (Foto: KVB)
... og historikken, som linene han sette i Vesterålen på førre tur. (Foto: KVB)
No skal butikken forsynast med endå meir kortreist fisk. (Foto: KVB)
No skal butikken forsynast med endå meir kortreist fisk. (Foto: KVB)
1 av 9
MS Isbjørn skal no fiska på heimebane. (Foto: Kjetil Vasby Bruarøy)
På veg heim har han tørka torsk. (Foto: KVB)
Her kjem lina om bord og fisken direkte til bløgging og rett på is. (Foto: KVB)
– Splitteren er viktig! (Foto: KVB)
Freyr fiskar med 14.000 krokar. (Foto: KVB)
Bak roret. (Foto: KVB)
Kartet frå Olex viser forholda tydeleg. (Foto: KVB)
... og historikken, som linene han sette i Vesterålen på førre tur. (Foto: KVB)
No skal butikken forsynast med endå meir kortreist fisk. (Foto: KVB)

– Fisk frå linefiske har ein heilt annan kvalitet enn fisk tatt med snurrevad og annan not. Fisken blir bløgga med det same den kjem om bord, så går den rett i isvatn. Dette har marknaden og sluttbrukaren, også nedover i Europa, blitt meir og meir klar over, sa Hlynur Freyr då han i juni i fjor fortalte at han ville opna fiskebutikk langs Byvegen i Os.

Freyr har jobba som yrkesfiskar sidan han var 16 år. For 11 år sidan flytta han til Noreg, dei siste 4 åra har han drive fiske frå eigen båt. MS «Isbjørn» fiskar med autoline med 14.000 krokar. På éin tur tar dei gjerne 6 til 12 tonn med torsk, hyse, kveite, brosme eller lange, og kanskje litt breiflabb.

I haust blei butikken «Isfisk» opna, i 2.30-tida natt til torsdag kom Freyr heim frå nord med båten. Og ein god porsjon fangst.

– Eg brukte 14 timar heim frå Frøya, der eg fekk pakka fangsten, 500-600 kilo med ulike artar. I tillegg fekk eg tak i noko veldig fin sild på Frøya, som eg i dag skal frakta til Askøy for å røyka.

Vil vera nærmare heimen og butikken

«Deltakarforskrifta», som kom i desember 2017, gjorde at eigar Freyr måtte vera om bord så lenge Isbjørn var i drift. Etter ein periode med godt fiske utanfor Lofoten og Vesterålen, men stor avstand frå butikken i Os, bestemte Freyr seg for å stenga butikken.

To dagar seinare opna han igjen - og no vil han kombinera fiske og butikkdrift på ein tettare måte.

– No kan eg koma heim mykje oftare, i tillegg får eg levert fangst rett frå fjorden og havet via mottak til butikken.

– Korleis har butikken gått etter «omstarten» i februar?

– Betre, særleg innan varme rettar, både suppe og fiskekaker til lunsj, og dei ferdige middagsporsjonane vi har byrja å laga. Men vi treng litt meir vekst, og vil snart utvida opningstida noko.

Tips og gode verktøy

– Eg har fått mange tips om fiske, både i Bjørnafjorden og andre område i nærleiken. Vi har allereie funne nokre plassar vest for Sotra der vi vil setja dei første linene.

Freyr viser oss utstyret på båten - og det digitale sjøkartet frå Olex.

– Det er eit viktig verktøy for oss, seier fiskaren, og viser korleis fargekodane skildrar djupnene, og kva fangst han ventar å få i dei ulike områda.

– Vi reknar med å få ein del brosme og lange, men håper også på lyr. Det blir spennande å sjå korleis fisket er her i området. Er det bra så blir båten verande, med nokre få unntak der vi fiskar i nord igjen. Blir det lite fangst så går eg nordover for å fiska blåkveite i mai.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.