Her bør det ryddast

Det er rundt 10 år sidan Kverneelva kom rennande frå Best-stasjonen i Byvegen og inn i Os sentrum. På Lundehjørnet sto vatnet 10 centimeter opp frå golvet.

Den gong var tette rister i Kverneelva, der den renn under Byvegen, årsaka.

Kverneelva renn ned frå Ulvenvatnet og får, nede ved Best-stasjonen, selskap av ein bekk som kjem frå Banktjørn.

Førebels renn elva framleis fritt og fint under Byvegen, men nedbørsmengda i haust har gjort elva stor og den har tatt med seg mykje greiner og lauv.

I tillegg er det supplert med boss og ei handlevogn. Kanskje er det verdt å ta ryddearbeidet før vinteren.