Kultur | 13. des. 2012

Her er den nye Oseana-sjefen

Styret i Oseana KF har tilsett Ole Tobias Lindeberg (38) som ny direktør i Oseana kunst- og kultursenter.

Oseana med Ole Tobias Lindberg innfelt. (Foto: KVB/pressefoto)
Kjetil Vasby Bruarøy
Kjetil Vasby Bruarøytorsdag 13. des. 2012 12:09

Lindeberg er i dag produksjons- og formidlingssjef i Bergen Filharmoniske Orkester. Han har lang fartstid som produsent og produksjonsleiar i BIT20 Ensemble, Den nye Opera og TV-bransjen. Lindeberg er utdanna musikar frå Guildhall School of music and drama i London, og har seinare tatt administrasjon og leiing ved Norges Musikkhøgskole og Universitetet i Oslo.

Oseana KF har merkt stor interesse for direktørstillinga, og styret i det kommunale føretaket er særs nøgd med at ein så raskt har funne ny direktør etter at noverande direktør Kim Kristoffersen i oktober varsla at han vil gå over til Bergen Live frå 1.januar 2013.

Ole Tobias Lindeberg vil ta til som direktør i Oseana frå 1. april 2013. I mellomtida vert arrangementsjef i Oseana, Berit Steen, konstituert som direktør.

Styreleiar i Oseana KF, Terje Søviknes, ser fram til samarbeidet med Ole Tobias Lindeberg. Lindeberg har brei erfaring frå kulturfeltet, og styret har stor tru på at hans kompetanse og erfaring knytt til produksjon og formidling vil tilføra Oseana ein ny dimensjon. Når oppstartfasen no er gjennomført skal Oseana utviklast vidare i tråd med visjonen om å «skapa ei verd av inspirasjon» på Mobergsneset.

– Lindeberg har vert ein sentral person i dette arbeidet, saman med resten av staben i Oseana, seier Søviknes.

– Samstundes vil eg nytta høvet til å takka avtroppande direktør Kim Kristoffersen for ein fantastisk innsats for Oseana. Han har bygd opp driftsorganisasjonen frå grunnen av, rekruttert svært dyktige medarbeidar til staben og sikra Oseana suksess frå dag ein, oppsummerer Søviknes.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.