Her er egga
Snart klekking: Det blir fem ungar i år òg.
Knoppsvaneparet har bygd reir på same side som i fjor, på austbredda av Oselvo.
Hamnesjefen og svanemor blir snart foreldre igjen, truleg kjem ungane ut av egga rundt 17. mai.
Snur egga
– Vi følgjer med dei kvar dag, svanemor går knapt frå reiret, seier Kåre Orrebakken, ein av dei nærmaste naboane til svanereiret i Oselvo.
– Men ho reiser seg av og til og snur egga, legg han til.
I dag låg ho stødig på reiret fram til svanefar Hamnesjefen kom heim frå tokt.
Far fekk ruga
Då reiste ho seg, snudde egga, gjekk rett utanfor reirkanten og byrja å reparera litt på utsida av reiret.
I mellomtida la Hamnesjefen seg på egga for å halda temperaturen jamn.
– Eg hugsar i fjor at det gjekk ikkje lang tid frå egga var klekka til ho tok alle ungane med seg på elva.
– Det har vore nokon nede ved reiret og dei meiner det er fem egg også i år, fortel Orrebakken, som ser fram til at det kjem eit nytt kull med svaneungar i Oselvo.