Her får John (83) tatovert oselvaren på armen

John Lepsøy har éin tatovering frå før, den tok han i Seattle i 1949.

Karoline Hille Nordstrønen tatoverer ein oselvar på John Lepsøy sin høgrearm. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøylørdag 03. sep. 2016 18:09

Bildeserie:

Det same gjorde debutant Linda Nytræ. (Foto: KVB)
Menyen hadde nye, lokale Os-motiv.
John Lepsøy stilte seg i kø hos Karoline Hille Nordstrønen. (Foto: KVB)
Han fekk ein oselvar. (Foto: KVB)
Aina S. Grønvigh liker fjellturar. (Foto: KVB)
Ho valte Borgafjellet. (Foto: KVB)
Sambuaren Kjetil valte Undino. (Foto: KVB)
Steffen H. Aasberg fekk seg ein blome. (Foto: KVB)
Det same gjorde debutant Linda Nytræ. (Foto: KVB)
Menyen hadde nye, lokale Os-motiv.
1 av 8
Menyen hadde nye, lokale Os-motiv.
John Lepsøy stilte seg i kø hos Karoline Hille Nordstrønen. (Foto: KVB)
Han fekk ein oselvar. (Foto: KVB)
Aina S. Grønvigh liker fjellturar. (Foto: KVB)
Ho valte Borgafjellet. (Foto: KVB)
Sambuaren Kjetil valte Undino. (Foto: KVB)
Steffen H. Aasberg fekk seg ein blome. (Foto: KVB)
Det same gjorde debutant Linda Nytræ. (Foto: KVB)

Os kommune hadde førebudd ein rocka vri på årets Oselvarfestival under Kystsogevekene; tatovering med Os-motiv.

Dei to erfarne tatovørane Torkjell Rød, også kjent frå rockegruppa Audrey Horne og Det store korslaget på TV2, og Karoline Hille Nordstrønen, kjent som vinnar av Kari Traa-leikane, er begge frå Os og blei inviterte til å ha «verkstaden» sin på Oselvarnaustet denne dagen.

Med seg hadde dei ei rekkje nye eksempel på ulike Os-symbol, og det gjekk ikkje lang tid før folk kom for å merka seg med sin bygdeidentitet.

Ein av dei som sette seg i stolen var 83 år gamle John Lepsøy.

– Jada, eg har godkjenning heimefrå. Men eg hadde nok gjort det uansett, sa John og lo, før han bestilte ein oselvar på armen.

Tok førre tatovering for 67 år sidan

– Den eldste eg har tatovert til no er 73 år, fortel Karoline, som såg ut til å gle seg til å få den spreke 83-åringen i stolen, og med det slå sin gamle rekord med heile 10 år.

John har lang livserfaring, ikkje berre innan idrett, men som tømrar i Canada og Afrika, og som sjømann.

Les òg: Atleten John er 80 år

– Har du ingen tatovering frå før?

– Jau, eg har denne. Den tok eg i Seattle i 1949. Det høyrde med den gongen, som førstereisgut frå Søre Øyane skulle du koma heim med ein tatovering frå den første turen din.

Angra etter ei stund

I dag er det ikkje lett å sjå kva symbolet på høgrearmen er, eller har vore.

– Det var initialane mine, J. L. med ei rose. Men så var vi ein gjeng om bord som angra litt. Det blei nemnt at tatoveringen kunne bli brukt til å identifisera oss om vi hamna i klammeri ein dag.

– Då ville vi ha den vekk, så vi dreiv å skrubba på den med syre, minnest John.

I dag blei det ein oselvar på venstre arm.

Linda debuterte

Kjetil Osablod Grønvigh frå kultureininga i Os har stempla seg som osing før. Det same har sambuaren, Aina Sælen Grønvigh.

I dag tok Kjetil Undino (skulpturen i rundkøyringa i Os sentrum), mens Aina tok Borgafjellet.

– Eg gjekk mykje på Borgafjellet då eg var unge. Det siste året har eg hatt stor glede av turar til Borgafjellet fleire gongar i veka, fortel Aina.

Ein av dei som tok sin første tatovering i dag var revydronninga Linda Nytræ.

– Eg har hatt lyst på ein tatovering lenge, men har venta på eit spesielt høve. Det synest eg det var i dag, når vi får sjansen til å få jobben gjort i Oselvarnaustet.

Linda valte ei rose på høgre skulder.

– Vi valte enkle tatoveringar så vi kunne rekka mange, og har hatt god pågang i heile dag, seier Torkjell om det som kan bli ein tradisjon under Oselvafestivalen.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.