E39 Svegatjørn-Rådal salve 1

Her ser du første E39-salve ved Svegatjørn

Rett før klokka 16 i dag blei dei første 20 hola i Skogafjellstunnelen sprengt ut.

image
image
image
image
image
image
Av: Kjetil Vasby Bruarøy

Grunna ròte fjell blei det ekstra arbeid med fjellsikring ved Svegatjørn, grunna frost i januar gjekk dette arbeidet noko seinare.

Første salve ved Svegatjørn var første planlagt å fyra av i månadsskiftet januar-februar, i staden blei det i dag, klokka 15.52 tysdag 23. februar.

– Dette er ein stor dag. Nok ein milepæl for arbeidet med E39 Svegatjørn-Rådal, som mange har venta på og no gler seg til er ferdig, seier byggeleiar Kari Bremnes frå Statens vegvesen.

Begge løpa i begge tunellane (Skogafjelltunnelen og Lyshorntunnelen) skal drivast frå både Os/Rådal og frå Endelausmarka.

– Sånn det ser ut no vil første salve på Skogafjellstunnelen frå Endelausmarka bli i september, seier Bremnes.

Opnar opp for bergensarane først

Første salve gjekk i tunelløpet for sørgåande trafikk, retning Bergen-Os, i Skogafjelltunnelen, som skal bli 1,5 kilometer lang.

– Etter så eg har forstått det på tunellformann var det 20 hol som i dag blei sprengt ut, seier anleggsleiar ved Svegatjørn, Jarle Søviknes frå Veidekke.

E39 var sperra nokre minutt mens salven blei fyrt av. Det blir truleg to for dagen i tida som kjem.

Varselsirena gjekk i fleire minutt før det small og Midtsiden har fått melding om at salven kunne høyrast godt heilt til Lyssand.

Dagens salve skal vera liten i forhold til det som kjem. Nå drivinga er godt i gang skal det skytast 5-6 meter inn i fjellet per salve, altså 10 meter per dag.

• Midtsiden samleside: E39 Svegatjørn - Rådal

• Sjå webkamera frå Svegatjørn

Om E39 Svegatjørn - Rådal

• Vegen frå innslaget på Skogafjellstunnelen ved Svegatjørn til du køyrer ut av Lyshorntunnelen er 11,8 km.
• Strekninga er på totalt 17,7 km og skal gå som firefelts motorveg mellom Os og Fana.
• 14,7 av den 17,7 kilometer lange vegen blir i tunnel.
• Skogafjellstunnelen: 1,5 km
• Lyshorntunnelen: 9,2 km
• Mellom tunellane, Endelausmarka: 1,1 km
• I Endelausmarka kjem rasteplassar, kryss til ny fylkesveg til Lysefjorden (Åsen, Lyseklostervegen fv 163), og fleire store næringsområde, blant anna Lyseparken på rundt 500 mål.
• Prosjektet omfattar også ny fylkesveg frå kryss i Endelausmarka til Åsenvegen og utbetring av eksisterande fylkesveg 163 for cirka 40 millionar kroner.
• Lyshorntunnelen (9,2 km) kjem i nord ut i Rådal, med ei kort dagsone og kryssområde på 200 meter før den går vidare i 2,2 km lange Råtunnelen. Denne kjem i fjellet vest for dagens vegsystem ved Laguneparken. Ny vegline held fram til dagens riksveg 580 sør for Troldhaugtunnelen.
• Pris 6,5 milliardar kroner (2014 prisnivå), 40/60 bompengar/stat
• Byggestart: Torsdag 3. september (1. oktober i Os) 2015.
• Antatt ferdig i 2022

 

 

Fleire saker