Sport | 13. mai 2016

Her skal 140 hundar i hinderløype

Os Agility Festival 2016 startar i dag. – Dette er topp 10 i Noreg når det kjem til fasilitetar, seier Simon Noel frå Os Hundeklubb.

Her skal 140 hundar i hinderløype
Simon Noel held på å rigga tre banar på nye Os Idrettspark. Klokka 18 fredag ettermiddag startar stemnet. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 13. mai 2016 10:31

Bildeserie:

140 ekvipasjar skal tevla på tre store banar gjennom helga.  (Foto: Kjetil Vasby Bruarøy)
140 ekvipasjar skal tevla på tre store banar gjennom helga. (Foto: Kjetil Vasby Bruarøy)
Fleire av deltakarane bur i telt og vogn på Kuventræ denne pinsen.  (Foto: Kjetil Vasby Bruarøy)
Fleire av deltakarane bur i telt og vogn på Kuventræ denne pinsen. (Foto: Kjetil Vasby Bruarøy)
1 av 2
140 ekvipasjar skal tevla på tre store banar gjennom helga.  (Foto: Kjetil Vasby Bruarøy)
Fleire av deltakarane bur i telt og vogn på Kuventræ denne pinsen.  (Foto: Kjetil Vasby Bruarøy)

I mai i fjor lagde Os Hundeklubb ei historisk hundeløype på Kyrkjeflaten i Os sentrum, det første agilitystemnet som er arrangert utandørs i Os.

Sjå videoreportasje og bildeserie

I dag startar noko som blir cirka tre gongar så stort; Os Agility Festival 2016 lokkar gjestar frå Aust- og Sørlandet og frå nord frå Trondheim.

– På stemnet i fjor var det 140 startar, i år har vi 1100 startar. Os Agility Festival er nytt og større, med 140 ekvipasjar og tett program gjennom helga, fortel arrangementsansvarleg Simon Noel.

Den avtroppa formannen i klubben håper festivalen kan bli ein årleg tradisjon.

– Fantastiske fasilitetar

Over 20 telt og campingvogner på Kuventræ blir bustad for deltakarane gjennom helga. Andre bur på suitellet på Sandsli, som er eit av ganske få hotell som tar inn hundar.

– Denne festivalen hadde ikkje vore mogleg å arrangera utan velvilje og godt samarbeid med Osbadet, Os Turn, Os Fotball og Os kommune. Vi har eit godt samarbeid og dei viser veldig velvilje, seinast seint i går kveld, då ein kar stilte på ti minutt for å opna for alternativ straumkjelde.

– Området og utstyret er fantastisk, med alt frå flaumlys til framifrå speakeranlegg, dette er nok i topp 10 i Noreg når det kjem til fasilitetar for agilitystemne, seier Simon, nøgd og takksam.

Gratis underhaldning

Festivalen startar klokka 18 i kveld og held fram til klokka 23. Laurdag og søndag går det frå 8 om morgonen til 17-18 på ettermiddagen, på tre banar.

– Det blir cirka 200 hundeførarar i sving og kanskje det kjem rundt 100 publikummarar.

– Vi sel ikkje billettar så det er berre til å koma innom og sjå på for dei som vil.

Spennande? Vil du ha ukas høgdepunkt i innboksen?

Les meir om

Hald deg oppdatert med Midtsiden

Få tilgang til alt innhald frå Midtsiden-redaksjonen. Som abonnent hjelper du oss på veg til å kunna dekka endå meir av det som skjer i Os!

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.