Her starta brannen
– Det er ingenting som tilseier at det skulle byrja å brenna her, seier vaktmeister.
Bildeserie:
Torsdag klokka 22.33 gjekk brannalarmen i Os Næringspark. Frå før hadde to kundar hos sjølvbetjente Lagersjefen oppdaga brann under køyrerampen vis a vis utgangen til lagerutleigen.
– Ein av våre tilsette var tilfeldigvis i området, møtte dei to og fekk henta ut eit pulverapparat. Då blei mesteparten av flammane slått ned, fortel Martin Østgulen Svendsen frå Os brannvesen.
• Les meir og sjå fleire bilde frå sløkkearbeidet i natt
På staden blei det tidleg klart at det var berre fasaden som brann, isolasjonen mellom metallplatene og murveggen, ingenting inne i bygget.
– Vi hadde røykdykkarutstyrt klart, men brukte det ikkje. Hovudinnsatsen gjekk ut på å få sløkka bak fasadeplatene, og vi brukte varmesøkande utstyr for å finna brannen. Det var ei viss fare for spreiing via vindauge, men vi fekk fort kontroll.
Alt som normalt i næringsparken i dag
Fredag morgon er arbeidet i gang med restverdi og taksering. Og utlufting.
– Det kom litt røyk inn i kantina til vaksenopplæringa, men dei har få elevar i dag og bruker eit av klasseromma i andre enden av bygget. Alt går som normalt hos leigetakarane våre i dag, seier vaktmeister Jon Øysteinsen.
Politiet fortalte i går at brannen starta under køyrerampen. Der står nokre tilhengarar parkert.
– Det er ingenting som tilseier at det skulle byrja å brenna her, det var verken elektronikk eller kjemikalier her, berre ein rull med duk til å ha i blomebed og sand og betong til støyping.
– Eg veit ikkje kva politiet meiner om saka, men eg mistenker sjølv at brannen er påtent og reknar med at det er nokon som har dårleg samvit i dag. Det er den einaste vesle veggen på heile næringsparken som går an å setja fyr på, og det er gjort ein del skade.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.