Historia bak den nye jenta på Øyro

Kunstnar Arne Mæland ville ikkje bli medlem på treningssenter. I staden gjorde han seljaren om til bronse.

Før 17. mai kom denne Arne Mæland-skulpturen på plass ved den nye gata «Elvasmoget». (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 21. mai 2018 16:21

Bildeserie:

Veslemøy - her då ho var på rømmen for orkanen i Florida. (Privat foto)
Arne Mæland sin nyaste skulptur. (Foto: KVB)
Veslemøy Lekven Moberg har vore modell. (Foto: KVB)
Mæland har fått stilla skulpturen ut i Brugata. (Foto: KVB)
Her speidar «Veslemøy» utover Øyro. (Foto: KVB)
Brugata er òg fornya med baldakiner. (Foto: KVB)
Veslemøy - her då ho var på rømmen for orkanen i Florida. (Privat foto)
Arne Mæland sin nyaste skulptur. (Foto: KVB)
1 av 6
Arne Mæland sin nyaste skulptur. (Foto: KVB)
Veslemøy Lekven Moberg har vore modell. (Foto: KVB)
Mæland har fått stilla skulpturen ut i Brugata. (Foto: KVB)
Her speidar «Veslemøy» utover Øyro. (Foto: KVB)
Brugata er òg fornya med baldakiner. (Foto: KVB)
Veslemøy - her då ho var på rømmen for orkanen i Florida. (Privat foto)

Under 17. maifeiringa i Os sentrum var det fleire som la merke til at det har kome ein ny skulptur på Øyro.

Mellom dei nyoppussa bankbygga i Brugata, i den korte, nye gata «Elvesmoget», står ei dame i bronse og lener seg mot vinden frå livet på Øyro.

– Skulpturen var nyleg ferdig. Eg hadde plan om å spørja om å få stilla den ut under Os-dagane, men så blei det litt før, fortel kunstnar Arne Mæland.

Han ringde til Knut Jarle Aspenes, som eig dei to bygningane saman med broren Espen.

– Knut Jarle var veldig positiv til at eg stilte skulpturen ut, og var samtidig ivrig etter å få den på plass før 17. mai.

No står skulpturen der, på ubestemt tid, den er nemleg ikkje selt enno.

Ville heller ha modell enn medlemsskap

Mæland er glad for at skulpturen har kome ut blant folk, i staden for å stå på verkstaden på Storum, der ingen får sjå han.

Kunstnaren har fleire gongar tidlegare laga skulpturar på eige initiativ, for så å setja dei ut i offentleg rom, frå katten i Irisfjøra og hummaren i Mobergsvika til røyskatten på Storevarden på Liafjellet.

– Denne gong blei det heilt spontant. Treningssenteret Sprek og Blid hadde stand på Amfisenteret. Då ei av jentene spurde meg om eg ville bli medlem, fortalte eg om mitt syn på spreke folk.

• Les òg: Kongens fortenstmedalje til Arne Mæland

– «Når eg seg folk i rørsle ser eg heller for meg korleis dei ville vore som skulptur», fortalte eg, og inviterte samtidig den unge jenta å stå modell for ein skulptur.

– Eg trudde han tulla

Den unge kvinna som ville ha Mæland i trening er personleg trenar Veslemøy Lekven Moberg.

– Vi plar stå på stand på Amfisenteret eit par gongar i året. Då Arne sa at han heller ville bruka meg som modell, så trudde eg han spøkte, så eg sa berre ja og tenkte ikkje meir over det.

Då Arne ringte få dagar seinare takka ho ja igjen - samtidig som ho forklarte at det hasta litt, sidan ho skulle til USA til hausten.

• Les òg: Veslemøy på flukt frå Florida

Dermed kasta dei to seg rundt, og Veslemøy fekk 6-7 kveldar i atelieret på Storum.

– Det var litt krevjande å stå så mykje på tå, men det var veldig spennande å læra om det omfattande prosessen med å laga ein bronseskulptur.

Fekk tett med snapchattar på 17. mai

Onsdag 16. mai kom Veslemøy tilbake til Florida etter å ha jobba i to veker i Ghana for ein hjelpeorganisasjon.

Torsdag 17. mai fekk ho ekstra mange snapchattar av venar frå Os.

– Mange av dei visste om prosjektet, og kjente meg igjen då dei såg skulpturen på Os. Eg synest den ser kjempefin ut på bilde, og gler meg til eg i sommar kjem heim og får sjå nærmare på den, seier Veslemøy.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.