Sport | 19. mars 2019

HiTZONE flyttar inn på Amfisenteret

Bygger leikeland over Europris: 420 kvm med «laser tag» og airhockey.

HiTZONE flyttar inn på Amfisenteret
I dette 420 kvadratmeter store lokalet kjem HiTZONE, ein ny kjede med laser tag og airhockey. (Foto: Kjetil Vasby Bruarøy/lasermaxx.com)
Kjetil Vasby Bruarøy
Kjetil Vasby Bruarøytirsdag 19. mars 2019 08:16

Bildeserie:

Dette lokalet har stått ledig sidan tilbygget var klart i 2016. (Foto: KVB)
Dette lokalet har stått ledig sidan tilbygget var klart i 2016. (Foto: KVB)
No skal det byggast ein labyrint å driva laserkrig i. (Foto: lasermaxx.com)
No skal det byggast ein labyrint å driva laserkrig i. (Foto: lasermaxx.com)
Utstyret er siste sort, type Evo-6. (Foto: lasermaxx.com)
Utstyret er siste sort, type Evo-6. (Foto: lasermaxx.com)
Det er teikna ulike alternativ til ny fasade. (Skisse: Thon Eiendom)
Det er teikna ulike alternativ til ny fasade. (Skisse: Thon Eiendom)
1 av 4
Dette lokalet har stått ledig sidan tilbygget var klart i 2016. (Foto: KVB)
No skal det byggast ein labyrint å driva laserkrig i. (Foto: lasermaxx.com)
Utstyret er siste sort, type Evo-6. (Foto: lasermaxx.com)
Det er teikna ulike alternativ til ny fasade. (Skisse: Thon Eiendom)

AMFI Os har endeleg fått leigetakar i det nye og, til no, ubrukte lokalet over tilbygget som i 2016 fekk Europris på eitt plan.

– HiTZONE etablerer seg på Os, og opnar allereie no til våren! fortel senterleiar Siri Ann Myhren Dalseide.

Den nye senterleiaren har i tidlegare intervju sagt at liv på senteret, også utanom handel, er noko av det ho ønskjer å jobba for. No gler ho seg over kva eigedomssjef Solveig Oksholm Hunhammer skal få i hus.

Ho hadde nokre interessentar allereie i 2017, og fekk skissa nokre alternativ til oppgradert fasade og entré, men første leigetakar kom altså no.

HiTZONE opnar i første halvdel av mai eller i slutten av april. Då kan du ta eit slag airhockey på tre ulike bord og kriga med laserpistol i røyklangt labyrint, mot éin eller fleire motstandarar, i eit leikeland ope for alt frå drop in og barnebursdagsbesøk til familiar, venegjengar eller utdrikkingslag.

(Artikkelen held fram under videoen)

Ny kjede med start på Os

Det er selskapet HiTZONE frå Vest-Agder som er leigetakar på det 420 kvadratmeter store lokalet. Selskapet er nystarta, men mannen bak, Pål Helsing, har lang erfaring innan det dei no skal opna i Os.

– Eg har drive med dette sidan 2003, både paintball og laser tag, i 2500 kvadratmeter stort lokale i Kristiansand, med innandørsfotball, paintball, bowling og lasertag, og i eit mindre prosjekt i Sørlandssenteret, der vi i utgangspnktet berre skulle testa utstyret i tre månadar, men blei verande i to år.

No er han, saman med sambuar Kristine Helene Moen, i ferd med å starta ein ny kjede av actionfylte leikeland.

– Vi har sett på andre leikeland og liknande senter at det er to ting som skil seg ut som ekstra populært; laser tag og airhockey. No bygger vi eit konsept med begge desse bestseljarane, som vi ønskjer å etabler i eller nær ulike kjøpesenter.

Kjeda Hitzone AS og avdelinga på Os, Hitzone Vest AS, er begge etablerte i mars i år.

– Det blir ei kjede, med Os som vår første. Lokalet er veldig godt eigna, betre enn det vi hadde i Sørlandssenteret.

Siste nytt på utstyrsfronten

Lokalet skal innreiast med resepsjon med omkledning og eventuell venting, ein eigen avdeling med tre ulike airhockey-bord, og ein stor laser tag-bane. Sjølve laser tag-banen blir på 300 kvadratmeter, som er 50 prosent større enn tilsvarande banen til Wasteland i Bergen.

– Vi har bestilt airhockey frå ein kjent, europeisk kvalitetsprodusent. Det blir tre ulike bord; standard, som dei fleste sikkert har prøvd i Syden, firemannsbord (2 mot 2) og eit kurva bord.

– Laser tag er siste nytt frå den store produsenter Lasermaxx i Nederland. Hitzone Os blir truleg først i Noreg med det siste systemet frå Lasermaxx, EVO-6.

Her kan du kriga 1 mot 1 eller opptil 16 samtidig, alle mot alle, 8 mot 8 eller fleire, mindre lag.

– Vi vil køyra både drop in og booking, og startar nytt spel kvart kvarter så lenge det er kundar. Du treng ikkje vera ei stor gruppe, her kan du koma åleine og kasta deg på eit spel, eller stilla opp far og son, mor og dotter, eller eit par kameratar for å leika seg.

– Kva med servering til bursdagsbesøk?

– Vi har ikkje eige selskapslokale, men på nokre sentre har vi samarbeid med senteret om ein plass der folk kan eta. Det får vi nok til her òg. Kva vi gjer utanom opningstida til senteret får vi sjå nærmare på seinare, men vi opplever at senterleiar jobbar med å få til ei løysing der òg, seier Pål Helsing.

Avanserte tillegg i spelet

HiTZONE har overtatt lokalet, og tar innreiingsarbeidet fortløpande.

– Banen blir bygd etter eit system og nokre teikningar som gjer det enkelt å endra banen. Ved å flytta nokre få veggar er den plutseleg veldig annleis.

Evo-6 legg òg til rette for fleire tilleggselement i spelet. Administrator kan køyra blackout, som slår ut musikk og alt lys ein kort periode, eller legga ut «powerpod», som kvart 30. sekund skyter alt innan rekkevidde, men som du sjølv kan skyta for å oppnå superkrefter som raskare våpen (superblaster), skjold, stealth mode eller spionmodus (same farge som fienden på lysa på vest og markør).

– Om du liker eldre typar for laser tag så kjem du til å digga dette! Laser tag-utstyret passar born frå 7 år og oppover. Banen er stor nok til 20 spelarar, men vi kjøper inn utstyr til 16 i starten.

HiTZONE Os opnar seinast innan midten av mai, men kanskje før.

– Alt utstyr er bestilt og ligg i produksjon, men det vil ta nokre veker før vi får det. I mellomtida innreier vi lokalet, seier Pål Helsing.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.