Hjorten sprella under bilen (blodig bilde)

For tredje gong på to veker er ein hjort påkøyrd ved Gymnasvegen.

Politiet dirigerte på staden mens dei venta på viltkontakten. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 07. nov. 2018 21:23

Bildeserie:

Andersen åtvarar bilistane om området mellom Idrettsvegen og Gymnasvegen. (Foto: KVB)
Kalven låg i periodar å sprella under bilen. (Foto: KVB)
Andersen åtvarar bilistane om området mellom Idrettsvegen og Gymnasvegen. (Foto: KVB)
Kalven låg i periodar å sprella under bilen. (Foto: KVB)
1 av 2
Kalven låg i periodar å sprella under bilen. (Foto: KVB)
Andersen åtvarar bilistane om området mellom Idrettsvegen og Gymnasvegen. (Foto: KVB)

Tysdag for to veker sidan blei ein hjort påkøyrd mellom Banktjørn og Gymnasvegen.

– Det er den tredje på éi veke, men den første i dette området på ei stund. Eg kjenner til at det er eit tråkk her, sa viltkontakt Espen Andersen til Midtsiden.

I 20.20-tida i kveld, to veker seinare, kom den tredje i same område. Kalven var i live etter samanstøyten, men blei liggande fastklemt å sprella under bilen.

– Eg har ikkje vore med på å finna hjort under bil før, i alle fall ikkje levande. Hadde vi prøvd å dra den fram, så ville den nok stukke av.

Kalven blei avliva før den blei drege fram.

Ambulanse tilkalla

Kalven blei råka av ein bil på veg retning Os på Byvegen.

To vitne som kom køyrande rett bak tok hand om den kvinnelege bilføraren, mens politiet dirigerte trafikken.

– Vi har tilkalla ambulanse for at bilførar skal få seg ein sjekk, opplyser politiet.

Det var dirigering på staden ei stund etter ulykka, men vegen opna for trafikk igjen rundt klokka 21.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.