Reven blei ståande mens Bjørn og Elliot kom nærmare og nærmare. Årsak? Sjekk fangsten han ikkje ville sikka ifrå! (Skjemdump frå video, foto: Elliot Walden Michelsen)

Hoggorm-jeger frå Os på NRK i kveld

Far og son Michelsen filma denne reven på Drangsvegen. No blir videoen del av «Ut i naturen».

image
image
Av: Kjetil Vasby Bruarøy

«Med kjeften full av mus og orm» skreiv Midtsiden då vi publiserte videoen som Elliot Walden Michelsen og pappa Bjørn filma sommaren 2017.

Familien hadde båtplass på Drange og far og son var på veg heim etter ein båttur då dei kom tett på den gode jegeren.

– Vi undrast over kvifor den sto i ro, men forsto kvifor då vi såg all fangsten han ikkje hadde lyst å gå ifrå, seier Bjørn.

Bjørn og Elliot kom tett på, og fekk filma då reven plukka opp mus etter mus - og ein hoggorm - før den stakk frå staden.

Reven er dessutan noko mørk i pelsen til å vera raudrev.

– Ein korsrev, forklarte naturfotograf Oddmund Lunde i 2017.

På TV i kveld

I kveldens episode av «Ut i naturen» på NRK blir reven frå Drange vist som lesarvideo.

– Eg sendte den inn som bidrag i 2017, og blei overraska då dei no tok kontakt, fortel Bjørn.

NRK avsluttar ofte året med lesarvideo-konkurranse. Kanskje kan du også stemma på Elliot frå Os sitt bidrag.

• NRK: Ut i naturen 

Sendinga startar klokka 19.45.

Fleire saker