Kultur | 26. feb. 2019

Høgteknologi for helse og elektro på Os vgs

Skal bygga og innreia moderne omsorgsbustad på skulen - til bruk i undervising av både elevar og tilsette i Os kommune.

Høgteknologi for helse og elektro på Os vgs
Os vidaregåande skule vil plassera seg i tet når det kjem til framtidsretta undervising innan elektrofag og helse- og oppvekstfag. (Arkivfoto: KVB)
Kjetil Vasby Bruarøy
Kjetil Vasby Bruarøytirsdag 26. feb. 2019 11:23

Fredag 1. mars er det søknadsfrist for ordinære elevar til vidaregåande opplæring i Hordaland (sjå hordaland.no).

På Os vidaregåande skule er dei spesielt spente på søkjarmengda innan elektrofag og helse- og oppvekstfag.

Det er det to årsaker til:

1. Os vgs er blant tolv skular i Noreg som får tildelt smarthus-komponentar (for 185.000 kroner) og kursing av lærarar i programmering av smarthus.

2. Os vgs har nyleg inngått samarbeidsavtale med Os kommune, som igjen nyleg har valt Atea som leverandør i ny satsing innan velferdsteknologi (les meir på bjornafjordenkommune.no).

– Avtalen inkluderer både elektrofag og helse- og oppvekstfag hos oss, seier assisterande rektor Inger-Elin Epland.

Bygger moderne omsorgsleilegheit på skulen

Os vgs skal gjennom våren bygga og utrusta ein moderne omsorgsbustad på skulen i Kolskogen.

– Denne skal brukast både i undervising og av Os kommune, til opplæring av tilsette, fortel Epland.

Tre tilsette ved skulen, éin frå elektrofag og to frå helse- og oppvekst, skal på vidareutdanning.

Betre rusta for arbeidsmarknaden

Bustaden skal både ha utstyr som er i bruk i dag, og utstyr som kjem i framtida.

– Det ligg an til å koma krav om meir praksis-nær undervising i komande skulebruksplan, også her er vi tidleg ute.

– Dette vil gi ei meir relevant og meir interessant undervising, samtidig som elevane blir betre rusta når dei skal ut i arbeidsmarknaden.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.