Hundar snusar fram rust

Fjellanger Hundeskule på Os har trent hundar til å kjenne att lukt av rust. Kan spara gassindustrien for millionar.

Rune Fjellanger har trent hundar til å kjenne att lukta av rust (arkivfoto: Kjetil Vasby Bruarøy)
Andris Hamretirsdag 12. mars 2013 10:32

Måndag presenterte Rune Fjellanger frå Fjellanger Hundeskule og Alvin Hansen, Gassnor sin direktør for prosessanlegget på Kårstø nyvinninga med hunder som kan avdekka rust og korresjon i det svære gassanlegget.

– Då eg først høyrde om dette, var eg skeptisk, men no er eg overbevist.

- Dette kan ikkje berre gje økonomiske gevinst, men også ein HMS-gevinst. Vi unngår mykje stillasbygging og risiko med røyr som er veldig varme eller kalde og har gass under trykk, fortel Alvin Hansen til Haugesund Avis.

Snusar i laboratorium

Gassnor startar no eit prøveprosjekt med hundar som skal avdekkja rustskada røyr på anlegget.

Hundane skal ikkje løpa rundt på anlegget for å snusa, men i staden lukta på prøver samla inn og frakta inn til eit laboratorium. Ideen til testinga fekk Rune Fjellanger då han jobba med å trene opp minehunder kor dei "støvsugde" vegseksjoner som kunne vera minelagte og sende lufta gjennom filtre som hundane lukta på.

Sjølve testinga skjer ved at luktprøvene festast på ein karusell saman med rein luft før hundane sleppast inn og snusar på dei forskjellege prøvene.

– I lukta finnest ein sky av mykje anna. Hunden er ein multisensor. Den sansar ut det viktige noko i ein mengd av mykje.

- Vi lærar hundane å kjenne att korrosjonslukt, som det ikkje har latt seg gjera å lage en kjemisk test for, forklarar Fjellanger til Haugesund Avis.

På Kårstø blir det kvart år brukt omlag 200 millionar for å hindra rustskadar. Blir prosjektet vellukka ser ein for seg store besparelsar.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.