I 100 med Annemor

Bildeserie:

1 av 3

Jubilanten sjølv, i høge hælar, strålte som ei sol då fungerande ordførar, Marie L. Bruarøy tok turen innom med ei blomehelsing.

– Er det frå heile heile kommunen, var ho rask med å spørja ordføraren.

– Ja, denne blomen er frå alle i Os, og eg reknar med du allereie har fått brev frå Kongen? Om ikkje skal eg sporenstreks ringja han, repliserte ordføraren.

Joda, helsinga frå Kongen hadde jubilanten allereie fått.

Litt av alt - og alt med måte

Anna var ikkje sikker på om ho orka å festa heilt til midnatt, men ho kunne fortelja om ein flott dag;

– Vi byrja tidleg i dag, og eg gler meg over å ha heile familien rundt meg her i dag.

På spørsmål om kva som er oppskrifta til å bli 100 år, er Anna klinkande klar i sitt svar:

– Litt av alt - og alt med måte. Elles er det viktig å eta sunn og god mat, og det er sjølvsagt viktig å mosjonera. Og så har eg gode gener, kjem det spøkefullt.

Anna fortel at ho aldri har køyrd bil. I oppveksta var det heller ikkje snakk om å vera passasjer.

– Skulle vi til Bergen i krigsåra, så måtte vi hiva oss på sykkelen.

Overraska med Eirik og Bente

Blant mange flotte gåver og helsingar var det to gåver jubilanten berre skulle nyta.

Eirik Søfteland og Bente Bratlund hylla begge jubilanten med song og tekstar.

Dette skjedde det året Anna Hylland vart fødd:

• Versailles-traktaten undertegnes i Paris.
• Amtene døpes om til fylker, og amtmenn blir fylkesmenn.
• Folkeforbundet blir grunnlagt.
• Benito Mussolini grunnlegger det italienske fascistpartiet.
• Redd Barna blir stiftet i London.
• Den internasjonale arbeidsorganisasjonen (ILO) vedtar åttetimersdag for industriell virksomhet.
• Ved en folkeavstemning blir det flertall for varig forbud mot produksjon og salg av brennevin og hetvin.
• Odd blir norgesmester (cupmester) i fotball etter å ha slått Frigg 1-0 i finalen.
Kilde: Wikipedia

Midtsiden gratulerer!