Lokal | 18. apr. 2019

I 90 med frivillig-Håkon

I dag fyller Håkon Drange 90 år - i kvardagen er han i full aktivitet som frivillig hjelpar på Luranetunet.

I 90 med frivillig-Håkon
I dag fyller Håkon Drange 90 år - i kvardagen er han ein viktig del av det frivillige arbeidet på Luranetunet. (Foto: Os kommune)
Kjetil Osablod Grønvigh
Kjetil Osablod Grønvightorsdag 18. apr. 2019 07:51

Aktivitetskoordinator Grete Byrkjeland i kultureininga i Os kommune fortel at Håkon Drange har vore med som frivillig i mange år.

– Han gjer ein flott innsats, mellom anna på det faste arrangementet Luraneslåtten i Tropehagen. Drange stiller trufast opp annankvar torsdag, han både riggar og ryddar og syt for servering i pausen.

– Dessutan er han god til å prata med folk og passa på at alle har det bra. Det er viktig! seier Byrkjeland.

Manglar det nokon til å leia det heile, trør Håkon til

Byrkjeland fortel at Luraneslåtten er eit samarbeid mellom personale, pårørande, Den kulturelle spaserstokken, kultureininga og – ikkje minst – frivillige hjelparar som Håkon Drange. Merethe Hovden er musikalsk leiar i arbeidet.

– Målet med Luraneslåtten er å få til ein aktivitet som inneheld både musikk og bevegelse, og som gir gode opplevingar i form av meistring, glede, samspel og kontakt mellom folk.

– Med rundt 75 deltakarar kvar gong er det ingen tvil om at dei frivillige sin innsats kjem vel med. Dersom det skulle mangla nokon til å leia det heile, trør gjerne Håkon Drange til, fortel Byrkjeland.

Vi vil gjerne nytta høvet til å helsa til jubilanten og takka frå alle på kultureininga og Luranetunet og gratulera med den store dagen.

– Vi er stolte og glade over å ha den spreke 90-åringen i vårt frivilligteam på Luraneslåtten.

Midtsiden stiller seg bak gratulasjonane.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.