Lokal | 13. jan. 2012
I fjellveggen på glatten
Politiet åtvarar mot glatte sidevegar i Os. Ved Amfisenteret gjekk det gale.
Kjetil Vasby Bruarøyfredag 13. jan. 2012 22:04
To personar blei frakta til legevakt med ambulanse etter ei utforkjøring i Prestegardskogen ved AMFI Os fredag kveld.
– Det var to ungdomar i bilen. Dei to såg ikkje ut til å vera skadd, men blei med ambulansen til lokal legevakt for sjekk, seier politibetjent Kenneth Rastad til Midtsiden.no.
Ulykka skjedde i 20.20-tida. Politi, brannvesen og ambulanse rykte ut.
Bilen, ein BMW stasjonsvogn, hadde retning frå Prestegardsskogen/Gudrihaugen mot Byvegen då den hamna i fjellveggen på motsett side. Bilen snudde seg halvvegs rundt sidelengs i samanstøyten.
– Det er ikkje mistanke om verken promille eller høg fart. Det er glatt ute og folk bør vera varsame, seier Rastad.