Med unntak av ein periode midt i første omgang fekk Os-juniorane vist mykje bra mot Brann tysdag kveld. (Foto: Kjetil Vasby Bruarøy)
Med unntak av ein periode midt i første omgang fekk Os-juniorane vist mykje bra mot Brann tysdag kveld. (Foto: Kjetil Vasby Bruarøy)

I føringa mot tabelltoaren

Os G19 i periodar på høgde med Brann.

Kjetil Vasby Bruarøy
14. oktober 2020 - 10:22

Os G19-1 tok i går imot juniorlaget til Brann til det som for Os sin del var 4. serierunde i årets 1. divisjon, ein divisjon som er skjerpa, då fleire som normalt speler seniorfotball i koronapausen boltrar seg med jamgamle for å få kamptrening.

Brann sto med 4 sigrar på 5 kampar og låg eitt poeng bak Fyllingsdalen før kampstart.

Os hadde uavgjort i serieopninga og har gått vidare med tøff motstand. Det blei tap for både Fyllingsdalen og Nordhordland i dei to neste.

Tok leiinga i 3. minutt

Kampen fekk ein brakstart for heimelaget, som rulla opp eit angrep som enda med eit knallskot av Kerem Duvarci i 3. minutt.

Begge lag heldt eit forrykande tempo, eit tempo som heldt seg til eit stykke ut i 2. omgang, og som leia til fleire sjansar til begge lag.

Storskårar Elias Heggland Myrlid kom seg åleine med keeper, Kristoffer Røttingen fekk lausna skot og Thomas Felix Færøvik var nær på å nikka inn ein corner.

Kerem Duvarci, som sette inn 1-0, klar for innlegg. (Foto: KVB)
Kerem Duvarci, som sette inn 1-0, klar for innlegg. (Foto: KVB)

4 bakleng på 8 minutt

Men så utlika gjestane, og Brann følgde opp med å skåra yttarlegare 4 mål på 8 minutt, eitt av dei på straffe.

– Vi møtte eit godt skulert lag, og blei straffa hardt i dei periodane vi sjølv ikkje var heilt presise, seier assistenttrenar Ivar Johannessen.

Færøvik lykkast på neste corner, og heada inn 2-5 før pause.

Færøvik reduserte til 2-5 fire minutt før pause. (Foto: KVB)
Færøvik reduserte til 2-5 fire minutt før pause. (Foto: KVB)

Røttingen reduserte vidare til 3-5 tolv minutt ut i 2. omgang. 

Brann auka leiinga til 3-6 og 3-7 i 75. og 80. minutt.

– Eg synest at gutane i fleire periodar var på høgde med Brann, men klarte ikkje å halda nivået jamt over 90 minutt. Brann stilte i ein 3-4-3-formasjon som passa oss dårleg, og som vi fekk justert oss til etter ei stund. Men då var òg fleire av gutane slitne avdet høge tempoet. Nokre av dei har nyleg kome tilbake etter skade, og har ikkje heilt den fysikken dei normalt har.

Os - Brann 3-7 (2-5)
Målskårarar, Brann: Kerem Duvarci, Thomas Felix Færøvik og Kristoffer Røttingen
Os, tropp: Håvar Benjaminsen, Thomas Færøvik, Emre Duvarci (kaptein), Kerem Duvarci, Oscar Fimreite, Tobias Nøss, Knut Jordal, Lars Hadler-Olsen, Nicolas Blålid, Kristoffer Røttingen, Elias Myrlid, Erik Norvik, Markus Hamre, Michael David, Scott Drange, John Askeland og Henrik Johannessen.

Os speler dei to neste kampane borte. Gårsdagens kamp hadde bra publikum, og neste heimekamp går på ein laurdag ettermiddag mot Åsane, og kan nok få endå fleire tilskodarar blant dei som saknar å sjå fotball i heimbygda.

Bildeserien under er synleg for pålogga abonnentar:

 

 

 

Les meir om

Fotball Os junior