Sport | 08. sep. 2018

I Lillestrøm på Bring-kvalik

16-åringane frå Nore Neset og Os er nyleg samla til eitt.

2002-årgangen frå Os, nyleg slått saman med Nore Neset. Mia Torp Nielsen og Ruth Moberg er trenarar. (Privat foto)
Kjetil Vasby Bruarøy
Kjetil Vasby Bruarøylørdag 08. sep. 2018 09:21

Os J16 er på plass i Lillestrøm for kvalifisering til Bring-serien.

– Vi har mange gode spelarar, jamt god gjennom heile troppen, seier trenar Mia Torp Nielsen.

Ho har med seg Ruth Moberg til å leia laget, som i sommar blei oppretta av Nore Neset og Os sin 2002-årgang.

Mia, som sjølv er fødd i 1999, overtok som trenar 1. august.

– Vi har brukt den første tida til å bli kjente med kvarandre. Ikkje berre sosialt, men spelemessig, at vi får samkøyrd dei beste trekka vi har øvd inn.

Tre kampar i helga

Os hadde ingen lag i Bring-serien i fjor, men årgangane før, som 2000 og 1999, var i sving i den riksdekkande serien som tillegg til eigen lokal serie.

– Eg håper vi klarer kvalifiseringa, det er ekstra stas både med desse turane og med tilleggsserie mot gode lag frå andre delar av landet, seier Mia.

Det er berre tre år sidan ho sjølv spelte Bring-serie.

I dag møter Os Hinna og Lillestrøm, søndag møter dei Tvedter.

– Vi kjenner ikkje så godt til motstandarane, men reknar med at vi får tøffe kampar, seier Mia, på veg med laget til første kamp.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.