– Ikkje lett å velja

– Skulevalet har fått stadig større merksemd og verknad på innspurten av valet. Fleire parti bruker resultata i sin vidare strategi og i dei siste debattane, seier lærar Carl Christian Frønsdal ved Os Gymnas.

– Innan klokka 20 i kveld skal resultata frå alle dei vidaregåande skulane i Noreg vera inne og klare til publisering.

Frønsdal underviser blant anna i samfunnsfag og har elevar frå 3. trinn, frå fordjupningsfaget politikk og menneskerettar, med seg til å organisera skulevalet.

Les òg: Valresultatet ved skulevalet på Os Gymnas i 2009 og 2011.

Det blir ikkje gjort skilje mellom stemmer frå dei som har stemmerett og dei som er yngre.

– Skulevalet er eit reint skuleval. Dei siste gongane har vi organisert det sånn at kvar klasse har ti minutt på seg. Då blir det høgare deltaking enn om elevane får eit ope tidvindauge på nokre timar, der dei kan gå og stemma når det passar.

– Vanskeleg å bestemma seg

– Eg har brukt litt tid på å setja meg inn i kva dei ulike partia står for, tatt valgomat og sett fleire debattar på TV, seier vakt i vallokalet, Edvard Moe Haugland.

Han kasta si stemme i urna litt før resten av elevane kom.

I 11.40-tida var det tid for den første førsteklassen, som kom i samla flokk til vallokalet i 2. etasje på Os Gymnas.

Les òg: Lovfesta rett til å få seg noko på by'n (debatt, Os vgs)

– Eg veit skal eg skal stemma, men det har vore litt vanskeleg å velja, synest Øystein Takle Eide.

Han sto i kø utanfor vallokalet saman med Tom Gabriel Rondestveit og Bjarte Botnevik.

– Skuledebatten synest eg blei litt rotete, men vi har hatt ein eigen dag der vi har fått gått gjennom dei ulike partia sin politikk.

Midtsiden kjem tysdag ettermiddag med resultat frå skulevala ved Os Gymnas og Os vidaregåande skule.