Lokal | 02. aug. 2012

Ikkje så velkomen likevel?

Båtfolket har i fleire år blitt ønskt velkomen til Osøyro når dei legg til ved gjestebrygga, men i år utan dusj og vaskerom.

Ikkje så velkomen likevel?
Delvis gjømt bak ei busk blir båtfolket ønskja velkomen til Osøyro (foto: Andris Hamre)
Andris Hamretorsdag 02. aug. 2012 11:40

Fram til 2009 blei båtgjestane i gjestehamna teke godt vare på av sommervertar som serverte rundstykker og fersk avis til dei som hadde tilbrakt natta i hamna.

Det var sentrumsforeninga som sto bak den hyggelege gesten ovanfor båtfolket, men dei måtte gje seg av økonomiske grunnar.

Dei seinaste åra har det vore dårleg med merksemd for dei tilreisande. Denne sommaren har heller ikkje dusjane og vaskerommet som båtfolket tidlegare har kunne disponere vore tilgjengeleg.

- Eg har hørt rykter om noko krøll der ja, seier fungerande rådmann Karl Ole Midtbø.

Har forsøkt rydda opp

Midtbø fortel at ordførar Terje Søviknes (Frp) har engasjert seg i tilhøva i hamna og mellomanna freista å rydda opp i festekontraktar og anna.

- Sidan ordføraren sjølv har teke tak i det, har ikkje eg engasjert meg, så eg har ikkje heilt status i saka.

- Slik eg har forstått var det eit sammensurium av festekontrakter på dei forskjellege eigedommane der ute, både når det gjaldt venterommet og bygget som husar dusjane, fortel Midtbø.

Ordførar Terje Søviknes er på ferie. Det har ikkje lukkast Midtsiden å få ein kommentar frå ordføraren.

Kommunal disposisjonsrett

Bygget, som er det kvite bygget mellom bilverkstaden og restaurantene på kaien, skal i utgangspunktet disponerast av kommunen. I dag leiger Os sjøfront delar av bygget til kontor i samband med bygginga litt lengre ut i hamna.

- Om det er ei misforståing eller kva som er årsaka til at dusjane og vaskerommet ikkje er tilgjengeleg kan eg diverre ikkje svara på.

- Dei skulle jo vera til allmenn bruk, fortel Midtbø.

Om kommunen får ordna slik at båtfolket igjen kan nytte desse fasilitetane, bør dei samstundes kosta på seg eit informasjonsskilt som fortel kva sørvistilbod gjestene finn ved brygga og i Os forøvrig.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.