Solid trio: (F.v) Arild Røyseth, Sander N Sælensminde (Bergen skytterlag) og Amalie Evensen. (Foto: privat) 

Imponerande resultat av Amalie og Arild under Oslo Open

Os Skyttarlag med gode resultat på Austlandet.

Av: Kjetil Osablod Grønvigh

Jan Kristian Evensen, sjølv aktiv skyttar, men denne helga sjølvutnemnd manager og støttekontakt fortel om ei travel helg;

– Det kan høyrast mykje ut med 5 stemne på 3 dagar, men i skyttarmiljøet er dette heilt normalt.

– Fredagen rakk vi eit stemne, laurdagen rakk vi tre, og sundagen det siste av fem. Det heile er ganske så effektivt, og du er gjerne ferdig med deltakinga di på 45 minutt, fortel Evensen.

Stemne for stemne

Her kan du lesa Evensen sine eigne kommentarar til helga på Austlandet:  

Drammen - Riflen/ Skoger - 15 meter. 

Arild Røyseth (klasse 5 - høgaste klassen ein kan skyta i) vant i Drammen med svimlande 349 poeng.

Amalie Evensen (klasse eldre junior - skyt senior program, men i eigen klasse), kom på 7. plass i samme stevnet med 339 poeng. Sander som hadde samme poengsum, sneik seg framfor Amalie.

Eli Gorm-Hansen skaut seg til 336 poeng og ein 10. plass i klasse 2 (skyt junior-program, liggjande og kneståande).

Norma Open - Alfhallen - 50 meter skiver.

Amalie vart her råka av ein liten kneskjelv, og fekk ein 6-ar på det første skotet i ståande stilling. Ho hamna på 242 poeng, som heldt til ein 7 plass på dette stemnet.

Sander fekk 239 poeng, og hamna på ein 12. plass. Arild rakk ikkje heilt opp til toppen, men med gode 245 i klasse 5, vart det ein 50. plass. 

Eli skaut 241 poeng i klasse 2, og fekk ein 28. plass.

Asker stevnet - 15 meter.

Arild la inn 243 poeng på dette stemnet, og Eli fekk 243. 

Amalie og Sander droppa dette stemnet grunna finaleskyting i Oslo Open.

Østre stevnet (Oslo Østre skytterlag) - 15 meter.

Eli la her inn 339 poeng og vart til slutt nummer 24. 

Amalie skaut 341, og vart med det nummer 5. Sander fekk 343 og vart nummer 3. 

Arild skaut gode 348 og vart nummer 6.

Oslo Open - Nordstand skytterlag - 15 meter.

Dette stemnet var “rosina i pølsa”. Sjukt bra premiebord, og over 1200 påmelde. Stemnet vert i skyttarmiljøet definert som NM i miniatyrskyting - inneskyting.

Stemnet er det største og heftigaste no i “innesesongen”. Etter innleiande skyting, vert det heile avslutta med ein gedigen finale, med dei 5 beste i alle klasser, med då unntak i klasse 3-5, der det er 15 stykke i finalen.

Etter eit par- og 50 mil i kroppen landa vi på Ekebergsletta fredags kveld. Etter ei god oppvarmingsøkt, satte gjengen i gang med skytinga.

Her vart det skote det “gamle innandørsprogrammet”, noko som vil seia at ein skyt kun kne og stå - ikkje ligg, på seniornivå/ eldre junior, ellers er alt det same som ute for dei andre klassane.

Eli skaut seg til 241 poeng og var ikkje heilt fornøyd. Arild la på nokre poeng og hamna på 245 poeng, noko som ikkje gav finaleskyting på nokon av dei. Grensa for finaleskyting i klasse 3-5 var 247 poeng. 

Amalie og Sander var i storslag denne fredagen, og merka ikkje mila så godt.

Amalie skaut gode 243 poeng i sin klasse, og leda dermed dette stemnet i sin klasse med 1 poeng på neste mann, som var Ole Martin, som også skyt for Bergen. På plassen bak kom Sander.

Hordaland markerte seg sterkt mot Austlendingane. Dermed vart det finale på sundagen for heile trioen.

Her vart nok spenninga litt stor, ettersom Amalie og dei andre eldre juniorane stod på rekke med noregseliten innan skyting; skyttarkongar, skytterprinsesser- og prinsar, VM vinnarar og andre storheiter.

Amalie vart til slutt nr 4, som er ein meget god prestasjon av henne. Sander vart til slutt nummer 5, og Ole Martin vant stemnet i klasse eldre Junior.  

Vestlandets største i romjula

I romjula inviterer Os Skyttarlag til det som er Vestlandets største miniatyrstemne; Romjulstreffen.

I fjor hadde stemnet heile 330 deltakarar. Os Skyttarlag ventar minst det same deltakartalet i år. 

Fleire saker