Lokal | 04. nov. 2019

Inga chromebook-innsamling i Os

– Vi har ein annan leverandør enn den som tok fyr, seier Knut Vidar Garlid.

Inga chromebook-innsamling i Os
Nore Neset ungdomsskule. (Ill. foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymåndag 04. nov. 2019 13:43

Chromebook, datamaskinene som Os kommune bruker i skulen, har dei siste dagane vore i fokus.

Årsaka er at ein chromebook i førre veke tok fyr mens ein familie i Sandnes åt middag.

Bergen kommune vurderer, ifølgje BT, å samla inn elevane sine maskiner. Det gjer ikkje Os.

– Det viser seg at maskina som tok fyr er levert av Acer (type Spin 11 375 1T). Vi har ingen maskiner frå Acer, og veit heller ikkje kva som er årsaka til at denne tok fyr, seier rådgjer innan oppvekst i Os kommune, Knut Vidar Garlid.

Dermed blir det ingen operative tiltak i Os-skulane.

Kommunen sendte epost til alle rektorane i skulen i dag tidleg, om at meir informasjon ville koma. No er denne informasjonen sendt ut.

– Bør ikkje ligga på lading over natta

– Vi bruker chromebook i fleire trinn, og på ungdomsskulenivå har elevane sjanse til å ta maskinene med seg heim.

Det er 837 ungdomsskuleelevar i Os (408 på Os, 429 på Nore Neset).

– Chromebook bør, som andre elektroniske apparat, brukast og ladast på eit aktsam måte.

– Den bør for eksempel ikkje ligga på lading over natta, seier Garlid.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.