Ingen KM-finale på Nore Neset
Nore Neset tapte for Kvernbit. No handlar alt om andrelaget sine to kvalik-kampar mot Voss 2, den første på søndag.
Nore Neset, som vann 6. divisjonsavdelinga si med 4 poeng, kjempa søndag om å få møta Søfteland i KM-finalen.
Men bortekampen mot Kvernbit enda med tap.
Kvernbit - Nore Neset 3-0 (1-0)
– Eg føler vi var betre enn resultatet tilseier. Vi låg under til pause og la i 2. omgang om til 3-4-3 i håp om å skåra, men då blei vi tatt på kontringar, seier trenar Arne Vaksinen Sælensminde.
– Flinke ungdomar
Nore Neset kan berre ta med seg fem av spelarane frå gårsdagens førstelagstropp til andrelaget sine to komande kvalifiseringskampar for opprykk frå 7. divisjon.
– Sjølv om det ville vore kjekt både å spela KM-finale og å møta Søfteland så har opprykk med 2. laget høgast prioritet. Derfor stilte vi ganske ungt i går, med fleire gute- og juniorspelarar.
– Det var kjekt å sjå at desse gjorde det så bra, seier Arne, og nemner Eirik Spangelo Haga (15), som spelte 90 minutt på back, som eksempel.
To kampar mot Voss 2
Andrelaget, som kom på 2. plass i si 7. divisjonsavdeling, skal no spela to kampar mot Voss 2.
Den første går heime førstekomande søndag (kl 14), den andre går på Voss onsdag 11. november.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.