Lokal | 26. des. 2012

Innfører tvungen teoriundervising

– Flere ungdomar kastar vekk pengar på å stilla dårleg førebudd, seier Arne Bjoarvik. I tillegg informerer han om nye reglar for klasse BE frå 19. januar.

Innfører tvungen teoriundervising
Arne Bjoarvik fortel om innføring av tvungen teorikurs ved skulen - og om nye reglar for klasse BE. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 26. des. 2012 13:51

Har du plan om å ta førarkort i 2013? Ved Bjoarvik Trafikkskole innfører dei no tvungen teoriundevising hos elevane sine.

– Mange hopper over teoriundevisinga for å lesa seg opp på eigahand. Resultatet blir ofte stryk hos vegvesenet, 50-60 prosent stryker til eksamen, seier Arne Bjoarvik.

Bjoarvik er tidleg ute med å innføra tvunge teorikurs, med Arne trur fleire kjøreskular vil gjera det same.

– I tillegg til at fleire elevar stryk til teoretisk eksamen så stiller dei dårleg førebudd til kjøretime når dei kan så lite om reglane.

– Vi opplever ofte at vi må ta mykje teoriundervising i bilane, når dei har kjøretime. Då blir førarkortet unødig kostbart, seier Arne Bjoarvik.

Nye reglar for hengar

19 januar 2013 blir "tredje førerkortdirektiv" innført, eit direktiv som regulerer reglane for klasse BE, personbil med hengar.

Med kun klasse B kan du berre trekka hengar med tillat totalvekt på 750 kilo.

Før 19. januar kan du utvida med klasse BE (dagens reglar) ved minimum å ha:

• To timar med vegleiing - obligatorisk
• lastsikringskurs, éin kveld (dersom du ikkje har klasse C, C1 eller T)
• Praktisk førarprøve

Du kan då kjøra så tung hengar som bilen har lov til å dra, det gjeld då vekt i augneblikket. Og du held på denne retten også etter 19. januar.

Etter 19. januar 2013 har du to val:

A) 5 timar obligatoriske kjøretimar og lastsikringskurs, éin kveld (dersom du ikkje har klasse C, C1 eller T). Du treng ingen praktisk førarprøve, skulen godkjenner ved gjennomført opplæring.

Du kan då kjøra bil og hengar som til saman ve inntil 4.250 kilo. Dette blir notert inn i førarkortet som kode 96.

– Det vil vera mange som greier seg med dette, då du kan kjøra ein vanleg personbil med hengar på rundt to tonn.

Men enkelte har tyngre bilar og vil dra tyngre hengarar. Då blir det alternativ B:

B) same opplæring som alternativ A ( 5 timer + lastsikring) + praktisk førarprøve hos Statens vegvesen.

Du får då klasse BE og en kan kjøra bil opptil 3.500 kg og hengar opptil 3.500 (begge er totalvekt). Max vogntogvekt blir på 7000 kg.

– Det kan vera ein del større båthengare som har totalvekt over 3.500 kg, då må du ha klasse C1E, noko som vil vera ein større investering for kundane å ta. Denne opplæringa blir gjeve berre hos tungbil-skulane, seier Arne Bjoarvik.

Les meir om klasse BE på vegvesen.no.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.