Inviterer til informasjonsmøte

Etter Rosa sløyfe-markeringa i Os sentrum, og eit personleg intervju med Iselin Bustadmo Baldersheim, kor vi fekk høyra om ei om kvinne som ønskte å starta eit eige lokallag av brystkreftforeningen har det gått raskt. Om interessa er stor nok, kan Brystkreftforeningen ha sitt eige lokallag i Bjørnafjorden allereie før helga.

Skal vera for Os og Fusa

– Eg vil understreka at lokallaget vi ønskjer å skipa, skal vera for den nye Bjørnafjorden kommune, altså er fusingane hjarteleg velkomen til å ta del, fortel Iselin.

Saman med kreftkoordinator i Os kommune, Sigbjørg Eriksson, fortel dei at møtet er ope for alle som har, eller har hatt brystkreft, om du er berar av BRCA1 eller BRCA2-genet, eller om du er pårørande til nokon med brystkreft.

– Målet er å skapa ein møtestad for alle som på ein eller annan måte er råka av brystkreft.

– No er vi veldig spente, fortel dei to skiparane; det hadde jo vore stas om det kom så mange at vi får konstituert eit styre allereie første kvelden.

Møtet verte halde på Os Folkebibliotek på torsdag.