På torsdag er det nytt treff i Os Hagelag
Samlinga vil gå føre seg i Tunet kyrkje- og kultursenter, og denne gongen får hagelaget besøk av Egil Risnes.
Den grøne øya
Risnes vil halda foredraget «Hagevandring i Irland»
Med til foredraget har Risnes ei bildeframsyning frå besøk i privathagar og hageanlegg på gamle gods og herregardar i Irland.
Styremedlem i Os Hagelag, Heidi Uglehus, fortel at Irland som kjend blir kalla den grøne øya, og at landet har mykje av det same klimaet som her på Vestlandet.
![Egil Risnes (t.v) vil halda foredraget «Hagevandring i Irland». (Foto: privat)](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2Fcb4a4fd371aaec4f92bf0e07510ab27ee495d4d3-1140x760.jpg%3Frect%3D0%2C38%2C1140%2C684%26w%3D752%26h%3D451%26q%3D100%26dpr%3D2&w=3840&q=75)
Heidrar medlem
Uglehus fortel vidare at eit av Os Hagelag sine medlem bli heidra på torsdagens treff.
– Sidan vi i år har 60 års jubileum i år, vil vi på dette treffet markera dette med å heidra eit av våre medlem som har gjort ein kjempeinnsats for Os Hagelag.
– Under kaffi-økta vil Gunnlaug Mossige halda eit innlegg om Os Hagelag si lange historie, og ikkje minst ein hage-eigars gleder og plager, legg Uglehus til.
![Gunnlaug Mossige vil prata om Os Hagelag si 60-årige historie. (Foto: privat)](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2Fc4d5222d5d43b05e373da05dcef97044cb5e5d6f-1140x760.jpg%3Frect%3D0%2C38%2C1140%2C684%26w%3D752%26h%3D451%26q%3D100%26dpr%3D2&w=3840&q=75)