Isbryting i Oselvarhopen
Kystvakten rydda is med åre og vassjet.
Delar av Os hamn har frose igjen, med det hindra ikkje Kystvakten, sjølv om dei stilte med ein av sine lettaste båtar.
I staden for å legga til land ved den isfrie gjestebrygga ved Esso, kjempa dei seg inn i Oselvarhopen, eller Småbåthamna, i Hamnevegen.
Frå kontoret sitt fekk manuellterapeut Svein Erik Henne sjå korleis dei systematisk knuste og kasta isen ut av hopen.
– Båten i seg sjølv knuste isen fint opp. Så skubba dei isflaka bakover med åre før dei gav gass med vassjet, så isflaka segla ut i hamna, fortel Henne.
Båten, Sjøbjørn 25 MK III, er bygd av Maritime Partner, ein av åtte levert til Kystvakten. Sjøbjørn 25 er bygd i aluminium og går i 40 knop med tre mann om bord.