Lokal | 06. feb. 2021

Isbryting i Oselvarhopen

Kystvakten rydda is med åre og vassjet.

Isbryting i Oselvarhopen
Kystvakten valte hardaste veg til land i Os hamn. Om motivasjonen var Vinmonopolet, veit vi ikkje. (Foto: Svein Erik Henne)
Kjetil Vasby Bruarøy
Kjetil Vasby Bruarøylaurdag 06. feb. 2021 10:37

Delar av Os hamn har frose igjen, med det hindra ikkje Kystvakten, sjølv om dei stilte med ein av sine lettaste båtar.

I staden for å legga til land ved den isfrie gjestebrygga ved Esso, kjempa dei seg inn i Oselvarhopen, eller Småbåthamna, i Hamnevegen.

Frå kontoret sitt fekk manuellterapeut Svein Erik Henne sjå korleis dei systematisk knuste og kasta isen ut av hopen.

Systematisk rydding. (Foto: Svein Erik Henne)
Systematisk rydding. (Foto: Svein Erik Henne)

– Båten i seg sjølv knuste isen fint opp. Så skubba dei isflaka bakover med åre før dei gav gass med vassjet, så isflaka segla ut i hamna, fortel Henne.

Båten, Sjøbjørn 25 MK III, er bygd av Maritime Partner, ein av åtte levert til Kystvakten. Sjøbjørn 25 er bygd i aluminium og går i 40 knop med tre mann om bord.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.