– Isen er fin

Det er meldt sol og minusgradar ei veke fram. Isen er framleis tjukk og trygg på fleire vatn i Os.

John Lepøsy på Ulvenvatnet i dag. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 08. mars 2013 13:00

– Eg kjem ikkje gjennom med øksa ein gong, seier frivillig is-testar i Os, skøyteentusiast og friluftsmann John Lepsøy.

Han held ein 30 cm lang pinne ned i holet han har hogge i isen på søre del av Ulvenvatnet, og nesten heile pinnen går nedi utan å vera gjennom isen.

– Isen er minst 30 cm tjukk og det er fint stålis heile vegen. Sånn var det på Banktjørn òg, du kan kjøra tanks på denne isen.

Banktjørn og søre del av Ulvenvatnet har trygg is, men styr unna området under Mobergsbrua, og rundt bekken som renn inn ved brygga på Banktjørn.

– Eg har ikkje målt nordre del av vatnet, det hadde eg ikkje tid til. Men der er motocross-kjørarane flinke å måla. Men ver uansett varsam rundt bekkar, åtvarar Lepsøy.

All ferdsel i utmark - og på islagt vatn - er på eige ansvar.

Gode forhold og fine vêrmeldingar

Isen på vatna i Os har i periodar fått noko regn på seg, men dette har frose raskt opp isen som kom for mange veker sidan.

– Isen er noko ruglete, men utan fastfrosen snø eller liknande, så det er flotte forhold.

Flotte vêrmeldingar er det også framover.

Finvêret vi har i Os i helga skal halda fram til og med måndag, ifølgje Storm.no.

Tysdag er det venta litt nedbør, men onsdag og torsdag skal det blir skyfri himmel igjen.

Temperaturane skal ligga på opptil 3 plussgradar på dagtid og ned til 7 minus om nettene.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.