Jakta på rask BMW
Politiet kontrollerte mobilbruk, utanlandske "gull"-seljarar og leitte etter ein BMW-eigar som kjørte fort på Søfteland i går.
– Vi fann bilen, men ikkje føraren, seier politioverbetjent Terje Sperrevik.
Tørr asfalt har drege med seg meldingar om stygg kjøring dei siste dagane, og tysdag kveld fekk politiet melding om ein gråoransje BMW som kom i høg fart forbi Søfteland.
Bilen var parkert på Søfteland og patruljen fekk ikkje tak i føraren.
4 x 1300 kroner
På formiddagen tysdag hadde politiet kontroll på E39 ved Storestraumen.
– 40 bilar blei kontrollerte, 4 av førarane blei tatt for uovleg bruk av mobil medan dei kjørte.
Kvar av dei må ut med 1300 kroner.
Stoppa bilar for å selja "gull"
Tysdag fekk politiet melding om utlendingar som stoppa bilar på Moberg.
– Dei ville selja noko dei sa var gull, fortel Sperrevik.
Utlendingane nekta for forholdet då patruljen rykte ut for å ta ein prat med dei.