Fotball | 27. apr. 2011

Johannes' openbaring

A-lagsspelar Johannes Jordal fleska til for juniorlaget og skåra 6 av Os sine 8 mål.

Johannes' openbaring
Kjetil Vasby Bruarøy
Kjetil Vasby Bruarøyonsdag 27. apr. 2011 09:47

Os junior elite slo Bergen Nord 8-4 og står med full pott etter årets tre første rundar.

– Dette er betre enn venta og gutane har seg sjølv å takka. Dei er i god fysisk form, men først og fremst er det ein ekstrem kampmoral i heile laget som er årsaka til den gode starten på sesongen, seier hovudtrenar Einar Nytræ.

Os starta gårsdagens heimekamp med å bli litt rundspelt og bortelaget skåra det første målet.

– Men så reiser heile laget seg, sørgjer frå 3-2-leiing til pause og drar ifrå i andre omgang. Bergen Nord stilte med eit veldig godt lag, vi slo dei på vilje og innsats, og det trur eg gutane våre merka.

Os - Bergen Nord: 8-4 (3-2)
Målskårarar, Os: Johannes Jordal 6 (!), Ibrahim og Ruben Aasen.

Sjølv om Nytræ seier han er heldig som har eit lag med berre gode spelarar, ingen stjerner, var seksmålsskårar Johannes Jordal noko som liknar på ei stjerne i går.

– Johannes var fantastisk, både i innsats og prestasjonar. At han som A-lagsspelar legg ned denne type innsats med juniorane er veldig kjekt å sjå.

Sånn kom måla:
0-1, 1-1 Johannes, 2-1 Ibrahim, 2-2, 3-2 Johannes (PAUSE), 3-3, 4-3 Johannes, 5-3 Johannes, 6-3 Johannes, 7-3 Johannes, 8-3 Ruben, 8-4.

Det blei med andre ord eitt ekte hatrick, med eit fjerde i same rekka og til saman seks skåringar på Johannes Jordal.

– Samstundes var dette ein lagsiger, det gjeld også dei som kom innpå i løpet av kampen. Vi blei ikkje svekka av byta vi gjorde, så her er det fleire som bankar på døra til meir speletid.

Os: Joakim Berthelsen, Fredrik Nielsen, Børge Borgen, Ole-Martin Øvstedal, Stian Bakke, Håkon Kvittingen, Håvard Grøteide, Ibrahim, Ruben Aasen, Tor-Erik Berge og Johannes Jordal.
Innbytarar med speletid: Adrian Hagevik, Even Olsen, Thomas Bahus, Isak Røen og Joar Søvik.

Laurdag speler Os junior elite første NM-runde. Den går på bortebane mot Tertnes (kl 15). Neste kamp i serien går også på bortebane, tysdag om ei veke mot Gneist 1, som står med to tap og éin siger etter dei tre første rundane.

SJÅ TABELL

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.