Sport | 19. des. 2017

Jørgen Wold ny sjef på Actic Os

– Det var stor interesse for stillinga, seier regionsjef Klas Lindgren.

Jørgen Wold ny sjef på Actic Os
Jørgen Wold tiltrer i stillinga 2. januar, og er i desse dagar og gjer seg kjent med sin nye arbeidsplass. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 19. des. 2017 18:32

Bildeserie:

Actic Os har opplevd vekst den siste tida, spesielt siste halvår. (Foto: KVB)
Actic Os har opplevd vekst den siste tida, spesielt siste halvår. (Foto: KVB)
Med nytt låssystem har medlemmar tilgang frå kl 5 til 23. (Foto: KVB)
Med nytt låssystem har medlemmar tilgang frå kl 5 til 23. (Foto: KVB)
Senteret opna i 2008 og blei utvida i 2012. (Foto: KVB)
Senteret opna i 2008 og blei utvida i 2012. (Foto: KVB)
Actic har 15 tilsette og byr på ulike formar for gruppetrening. (Foto: KVB)
Actic har 15 tilsette og byr på ulike formar for gruppetrening. (Foto: KVB)
1 av 4
Actic Os har opplevd vekst den siste tida, spesielt siste halvår. (Foto: KVB)
Med nytt låssystem har medlemmar tilgang frå kl 5 til 23. (Foto: KVB)
Senteret opna i 2008 og blei utvida i 2012. (Foto: KVB)
Actic har 15 tilsette og byr på ulike formar for gruppetrening. (Foto: KVB)

Actic fekk ein god start i Os då dei opna, den gong som Nautilus, i underetasjen på Oshallen ved Osbadet 28. april 2008.

– Også trenden den siste tida har vore god, ikkje minst siste halvår. At vi i vår fekk montert låssystem som gir medlemmane tilgang til senteret frå 5 om morgonen til 23 om kvelden har vore ein suksess, seier Lindgren.

Men senteret har vore utan dagleg leiar sidan Sølvi Ann Bahus slutta i oktober i år. Regionsjefen har fått hjelp av ei gruppe tilsette til å ta godt vare på senteret mens han har intervjua ei god mengde søkjarar til jobben.

– Bransjen i seg sjølv er veldig attraktiv, og vi hadde 22 søkjarar, mange av dei var godt kvalifiserte.

Går frå mobilbransjen til eigen heimebane

I førre veke blei det signert kontrakt med Jørgen Wold. Han har jobba sju år i elektronikkbransjen, dei siste fem som butikksjef for Telenorbutikken, først på Oasen, så på Lagunen Storsenter.

– Eg har blitt buande i Os mens eg jobba i Fana, og har den siste tida vore lei av reisevegen. Utvalet ledige jobbar som kunne passa meg har ikkje vore så stort desse månadane, men då denne stillinga dukka opp visste eg med éin gong at det var ein jobb eg ville ha.

Oshallen har vore heimebanen hans sidan han var i barneskulealder. Storskåraren, som i år prioriterer dommarkarriera framfor seniorhandball, har vore ein viktig spelar for Os i mange år.

• Les òg: – Jørgen briljerte

– Når eg no dømmer ein del 3. divisjon passa det dårleg å spela. Men eg vil høyra med kretsen om vi får til ei løysing som gjer at eg kan byrja å spela igjen over nyttår. Å reisa frå hall til hall utan sjølv å få vera med i kampane har gjort at eg saknar det veldig.

Wold si erfaring med helsestudio handlar i første omgang om styrketrening i samband med handball.

– No ser eg fram til all kursing eg skal få i Actic-systemet, med lærdomen og ny jobb så blir det nok meir systematisk styrketrening på meg òg. Men først og fremst er eg her for at medlemmane ein god stad å styrka kropp og helse på, og for at dei tilsette skal halda fram med å ha ein triveleg arbeidsplass.

– Fint miljø med 15 tilsette

Jørgen byrjar i jobben tysdag 2. januar, men har dei siste dagane vore innom for å gjera seg betre kjent med senteret og dei nye kollegaene sine.

– Eg har fått eit veldig godt inntrykk, frå intervjua med Klas Lindgren til møtet med alle dei andre tilsette. Eg kjenner fleire frå før, men ikkje som kollega. Miljøet ser ut til å vera veldig godt, både dei tilsette imellom og mellom kundane og dei som jobbar her.

– Berre på eit par timar i formiddag har to av PT-ane fått til saman seks personlege julegåver frå kundar. Det synest eg seier litt om kva god trening og oppfølging kan bety for folk.

Lindgren fortel om ein lang runde med intervju av kandidatar, og eit godt inntrykk av påtroppande dagleg leiar.

– Han er ansvarsfull og har god erfaring med både personell og det å driva butikk. Samtidig har han relevant idrettsbakgrunn, han er vant med å setja seg mål og å kjempa for å oppnå dei. Vi fekk raskt ein god kjemi og har inntrykk av at Jørgen vil passa godt inn i miljøet på Actic Os.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.